തൊടുപുഴയിൽ 34 ഗ്രാം എം.ഡി.എം.എ യുമായി യുവാവ് പിടിയിൽ; അറസ്റ്റിലായത് തൊടുപുഴ കാർഷിക വികസന ബാങ്കിലെ ജീവനക്കാരൻ
തൊടുപുഴയിൽ 34 ഗ്രാം എം.ഡി.എം.എ യുമായി യുവാവ് പിടിയിൽ. കുമാരമംഗലം സ്വദേശി റെസിൻ ഫാമിൻ ആണ് പിടിയിലായത്. തൊടുപുഴ കാർഷിക വികസന ബാങ്കിലെ ജീവനക്കാരനാണ് ഇയാൾ.തൊടുപുഴ കേന്ദ്രീകരിച്ച് ലഹരി ഇടപാടുകൾ കൂടുതലായതിനെ തുടർന്ന് പോലീസ് പരിശോധന കർശനമാക്കിയിരുന്നു. ഇതിനിടെയാണ് എറണാകുളത്ത് നിന്ന് എം.ഡി.എം.എ തൊടുപുഴയിലെത്തിച്ച് വിൽപ്പന നടത്താനുള്ള ശ്രമത്തിനിടെ റെസിനെ പോലീസ് പിടികൂടിയത്.
തൊടുപുഴയിലെ വിദ്യാഭ്യാസ സ്ഥാപനങ്ങൾ കേന്ദ്രീകരിച്ച് ലഹരി വില്പനയും ഉപയോഗവും വർധിക്കുന്നതായുള്ള വിവരത്തിൻ്റെ അടിസ്ഥാനത്തിലായിരുന്നു പോലീസ് പരിശോധന. തൊടുപുഴയിലെ ലഹരി ഇടപാടുകൾ നിയന്ത്രിക്കുന്ന വിദേശ മലയാളിയെക്കുറിച്ചുള്ള വിവരങ്ങളും പോലീസിന് ലഭിച്ചിട്ടുണ്ട്.
.jpeg)
