ശിശുദിന റാലിയും പുസ്തക വിതരണവും ഉപ്പുതറയിൽ നടന്നു
ഉപ്പുതറ ഒ എം. എൽ. പി സ്കൂളിലാണ് ശിശുദിന റാലി നടന്നത്. സ്കൂൾ അങ്കണത്തിൽ നിന്നും ആരംഭിച്ച റാലി ആശുപത്രിപ്പടിയിൽ എത്തിയപ്പോൾ ആശുപത്രി ജീവനക്കാർ മധുരം നല്കി സ്വീകരിച്ചു. തുടർന്ന് നടന്ന സമ്മേളനം പഞ്ചായത്ത് പ്രസിഡന്റ് ജെയിംസ് കെ. ജേക്കബ് ഉത്ഘാടനം ചെയ്തു.
സ്കൂൾ ലീഡർ ആർ അഭിമന്യു അധ്യക്ഷനായി. ഫാ: ഡൊമിനിക്ക് കാഞ്ഞിരത്തിനാൽ ശിശുദിന സന്ദേശം നല്കി .സ്കൂൾ ഹെഡ്മിസ്ട്രസ്സ് പ്രീതി സെബാസ്റ്റ്യൻ,പി.ടി എ പ്രസിഡണ്ട് മനു ആൻ്റണി , ആതിര എ.ആർ , സൗമ്യ പി. ജോൺ, സിസ്റ്റർ ലിസ്ബിത്ത് എന്നിവർ പ്രസംഗിച്ചു. സ്കൂൾ പരിസരത്ത് വൃക്ഷ തൈകളും നട്ടു.കുട്ടികളിൽ വായനാ ശീലം വളർത്തുക എന്ന ലക്ഷ്യത്തോടെ സ്കൂൾ വായനശാലക്കായി ഫെഡറൽ ബാങ്ക് ഉപ്പുതറ ശാഖ നൂറ് പുസ്തകങ്ങൾ വിതരണം ചെയ്തു. വിതരണോദ്ഘാടനം ഫെഡറൽ ബാങ്ക് ശാഖാ മാനേജർ എ.ആർ ആതിര നിർവഹിച്ചു.
.jpeg)
