കട്ടപ്പന കൃപാലയ വിൻസെൻഷ്യൻ ധ്യാനകേന്ദ്രത്തിൽ അത്ഭുത കാശുരൂപ മാതാവിന്റെ തിരുനാളും ഊട്ടു നേർച്ചയും നവംബർ 22 മുതൽ 30 വരെ
കട്ടപ്പന കൃപാലയ വിൻസെൻഷ്യൻ ധ്യാനകേന്ദ്രത്തിൽ അത്ഭുത കാശുരൂപ മാതാവിന്റെ തിരുനാളും ഊട്ടു നേർച്ചയും 2024 നവംബർ 22 മുതൽ 30 ശനിയാഴ്ച വരെ നടക്കും. വെള്ളിയാഴ്ച വൈകിട്ട് 4 30ന് ജപമാലയോടെ തിരുനാൾ ആഘോഷത്തിന് തുടക്കമാകും. ഫാദർ ജോസ് മാത്യു പറപ്പള്ളി സമാപന ആശീർവാദം നൽകും. സമാപന ദിവസമായ നവംബർ 30 ശനിയാഴ്ച വൈകിട്ട് അഞ്ചുമണിക്ക് ആഘോഷമായ തിരുനാൾ കുർബാനയ്ക്ക് ഫാദർ ഡോക്ടർ ജോൺ കണ്ടത്തിൻകര നേതൃത്വം നൽകും.
തുടർന്ന് ഊട്ടുനേർച്ചയും നടക്കും .എല്ലാ മാസവും ഒന്നാം ചൊവ്വാഴ്ചകളിൽ അഖണ്ഡ ജപമാലയും ജറീക്കോ പ്രാർത്ഥനയും ഉണ്ടായിരിക്കും. വെള്ളിയാഴ്ചകളിൽ വൈകിട്ട് 5 മുതൽ രാത്രി 8 വരെ സായാഹ്ന ബൈബിൾ കൺവെൻഷനും നടക്കും. തിരുനാൾ ആഘോഷത്തിലും അത്ഭുത കാശുരൂപമാതാവിന്റെ നൊവേനയിലും വചന ശുശ്രൂഷയിലും പങ്കെടുക്കാൻ എല്ലാവരേയും സ്വാഗതം ചെയ്യുന്നതായി ഫാദർ സഖറിയ എടാട്ട്, ഫാദർ ജോബ് വാണിയപുരയ്ക്കൽ, ഡീക്കൻ ജെയിംസ് മാണിക്കത്ത്കുന്നേൽ എന്നിവർ പറഞ്ഞു.
.jpeg)
