.jpeg)
കുവൈറ്റ് ഇന്ത്യൻ എംബസ്സിയിൽ നടന്ന കേരള ദിനാഘോഷത്തിൽ പങ്കെടുത്ത് ഇടുക്കി അസോസിയേഷൻ
കേരള സംസ്ഥാന രൂപീകരണത്തെ അനുസ്മരിക്കുന്ന കേരള ഡേ സെലിബ്രേഷനിൽ കേരളത്തിന്റെ സമ്പന്നമായ സാംസ്കാരിക പാരമ്പര്യവും ആചാരങ്ങളും പ്രദർശിപ്പിച്ചു.കുവൈറ്റിലെ ഇന്ത്യൻ സ്ഥാനാപതി ഡോക്ടർ ആദർശ് സ്വൈക മുഖ്യഅതിഥി ആയിരുന്നു.
വിവിധ ജില്ലാ അസോസിയേഷനുകൾ പങ്കെടുത്ത ചടങ്ങിൽ ഇടുക്കി അസോസിയേഷൻ കുവൈറ്റിന്റെ കൊളുന്ത് ഡാൻസ് ആഘോഷത്തിന്റെ മാറ്റുകൂട്ടി.കുവൈത്തിലെ ഇന്ത്യൻ പ്രവാസികളുടെ ശക്തമായ സാംസ്കാരിക ബന്ധത്തിന്റെയും സമൂഹാത്മകതയുടെയും തെളിവായിരുന്നു ഇന്ത്യൻ എംബസ്സിയിൽ നടന്ന കേരള ദിനാഘോഷം.
ഇന്ത്യൻ എംബസി ഓഡിറ്റോറിയത്തിൽ നടന്ന കേരള ഡേ പ്രോഗ്രാമിൽ ഇടുക്കി ജില്ലയെ പ്രതിനിധീകരിച്ച് ഭവ്യ, ഗോപിക, രാഖി, ദേവിക, ക്രിസ്റ്റീന എന്നീ കലാകാരികളാണ് കൊളുന്ത് നൃത്തം അവതരിപ്പിച്ചത്. ഇത്രയും മനോഹരമായ പ്രോഗ്രാമിൽ ഇടുക്കി ജില്ലയുടെ പാരമ്പര്യവും ടൂറിസം സാധ്യതകളും ഉയർത്തി കാണിക്കാൻ സാധിച്ചതിൽ ഉള്ള സന്തോഷം പ്രോഗ്രാം ഭാരവാഹികൾ പങ്കുവച്ചു.
