സിപിഐ എം കട്ടപ്പന ഈസ്റ്റ് ലോക്കല്‍ സമ്മേളനം നവംബർ 15ന്
സിപിഐ എം കട്ടപ്പന ഈസ്റ്റ് ലോക്കല്‍ സമ്മേളനം 15ന് കട്ടപ്പന സിഎസ്‌ഐ ഗാര്‍ഡനില്‍ നടക്കും. രാവിലെ എട്ടിന് റെഡ് വോളന്റിയര്‍ മാര്‍ച്ചും രക്തസാക്ഷി മണ്ഡപത്തില്‍ പുഷ്പാര്‍ച്ചനയും നടക്കും. ശേഷം , 9.30ന് ജില്ലാ സെക്രട്ടിയേറ്റംഗം റോമിയോ സെബാസ്റ്റ്യന്‍ സമ്മേളനം ഉദ്ഘാടനം ചെയ്യും. ജില്ലാ സെക്രട്ടറിയേറ്റംഗം കെ എസ് മോഹനന്‍, കട്ടപ്പന ഏരിയ സെക്രട്ടറി വി ആര്‍ സജി, ഏരിയ കമ്മിറ്റിയംഗങ്ങളായ മാത്യു ജോര്‍ജ്, ടോമി ജോര്‍ജ്, എം സി ബിജു, പി ബി ഷാജി തുടങ്ങിയവര്‍ സംസാരിക്കും.
സമ്മേളനത്തിന്റെ ഒരുക്കങ്ങള്‍ പൂര്‍ത്തിയായതായി ടോമി ജോര്‍ജ്, കെ എന്‍ വിനീഷ്‌കുമാര്‍, ഫൈസല്‍ ജാഫര്‍, ടിജി എം രാജു, എബി എമ്പ്രയില്‍, സാബു തോമസ് എന്നിവര്‍ അറിയിച്ചു.കട്ടപ്പന ഏരിയ സമ്മേളനം ഡിസംബര്‍ 6,7 തീയതികളില്‍ കട്ടപ്പനയിലും ജില്ലാ സമ്മേളനം 2025 ഫെബ്രുവരി 4 മുതല്‍ 6 വരെ തൊടുപുഴയിലും സംസ്ഥാന സമ്മേളനം ഫെബ്രുവരി 25 മുതല്‍ 28 വരെ കൊല്ലത്തും നടക്കും. 24-ാം പാര്‍ട്ടി കോണ്‍ഗ്രസ് ഏപ്രില്‍ 2 മുതല്‍ 6 വരെ തമിഴ്നാട്ടിലെ മധുരയിലാണ് നടക്കുന്നത്.
.jpeg)
