തമിഴ്നാട്ടിലെ കമ്പത്ത് നിന്ന് കേരളത്തിലേക്ക് കഞ്ചാവ് കടത്തിയ നാല് പേരെ പോലീസ് അറസ്റ്റ് ചെയ്തു. ഇവരിൽ നിന്ന് 12 കിലോ കഞ്ചാവ് പിടികൂടി
തമിഴ്നാട്ടിലെ കമ്പത്ത് നിന്ന് കേരളത്തിലേക്ക് കഞ്ചാവ് കടത്തിയ നാല് പേരെ പോലീസ് അറസ്റ്റ് ചെയ്തു. ഇവരിൽ നിന്ന് 12 കിലോ കഞ്ചാവ് പിടികൂടി. കമ്പത്ത് നിന്ന് കേരളത്തിലേക്ക് കഞ്ചാവ് കടത്തുന്നത് സംബന്ധിച്ച് കമ്പം സൗത്ത് പോലീസിന് രഹസ്യവിവരം ലഭിച്ചിരുന്നു.വിവരമറിഞ്ഞ് സബ് ഇൻസ്പെക്ടർ ദേവരാജിൻ്റെ നേതൃത്വത്തിൽ പൊലീസ് കമ്പംമെട്ട് റോഡിലെ ബൈപാസ് റോഡിൽ പട്രോളിങ് നടത്തി.
ക്രിക്കറ്റ് ഗ്രൗണ്ടിന് സമീപത്തെ സ്വകാര്യ സ്ഥലത്ത് ബാഗുമായി സംശയാസ്പദമായി നിന്ന 4 പേരെ പോലീസ് ചോദ്യം ചെയ്യുകയും ബാഗ് പരിശോധിച്ചപ്പോൾ 12 കിലോ കഞ്ചാവ് കണ്ടെത്തുകയുമായിരുന്നു. കമ്പം കുരങ്ങുമയൻ തെരുവിൽ സുജിത്ത് കുമാർ (26) മധുര ജില്ലയിലെ ഉസി ലാംപെട്ടി സ്വദേശികളായ രഞ്ജിത്ത് പാണ്ടി (22), കിഷോർനാഥ് (27), സുരേഷ് (23) എന്നിവർ ആന്ധ്രാപ്രദേശിലെ ചില്കുവാർപേട്ടിലെ സുബാനിയിൽ നിന്ന് കഞ്ചാവ് വാങ്ങിയതായി വ്യക്തമായി. ഒളിവിൽ കഴിയുന്ന ആന്ധ്രാ സ്വദേശി സുബ്ഹാനിയെ പിടികൂടാൻ പോലീസ് ആന്ധ്രാപ്രദേശിലേക്ക് തിരിച്ചു.