മൂന്നാറില്‍ കാട്ടുപോത്തിന്റെ ആക്രമണത്തില്‍ തോട്ടം തൊഴിലാളിക്ക് ഗുരുതരമായി പരുക്കേറ്റു
മൂന്നാറില്‍ കാട്ടുപോത്തിന്റെ ആക്രമണത്തില്‍ തോട്ടം തൊഴിലാളിക്ക് ഗുരുതരമായി പരുക്കേറ്റു.തെന്മല എസ്റ്റേറ്റ് ലോവര്‍ ഡിവിഷനിലെ തൊഴിലാളിയായ മീരയ്ക്കാണ് പരിക്കേറ്റത്. ഇവരെ മൂന്നാറിലെ സ്വകാര്യ ആശുപത്രിയില്‍ പ്രവേശിപ്പിച്ചു.തോട്ടത്തിൽ ജോലി ചെയ്യുന്നതിനിടെയാണ് മീരയെ കാട്ടുപോത്ത് ആക്രമിച്ചത്. ഉടൻ തന്നെ കൂടെയുണ്ടായിരുന്നവർ ഇവരെ ആശുപത്രിയിൽ എത്തിച്ചു. മേഖലയിൽ കാട്ടുപോത്തിൻ്റെ ആക്രമണം പതിവാണെന്നും തൊഴിലാളികൾ പറഞ്ഞു. ഇതുമൂലം ജോലിക്കിറക്കാൻ പോലും തൊഴിലാളികൾക്ക് ഭയമാണ്. സംഭവത്തെ തുടർന്ന് പോലീസും, വനം വകുപ്പും സ്ഥലത്തെത്തി മേൽനടപടികൾ സ്വീകരിച്ചു.
.jpeg)
