ഒന്നാം ദിവസത്തെ മത്സരങ്ങള്‍ സമാപിച്ചപ്പോള്‍ 13 സ്വര്‍ണവും 17 വെള്ളിയും 7 വെങ്കലവും നേടി 149 പോയിന്റോടെ കട്ടപ്പന സബ്ജില്ല മുന്നിലാണ്. 110 പോയിന്റോടെ അടിമാലി സബ്ജില്ല തൊട്ടുപിന്നിലുണ്ട്. നെടുങ്കണ്ടം 46 പോയിന്റ് നേടി മൂന്നാം സ്ഥാനത്താണ്. സ്‌കൂള്‍ അടിസ്ഥാനത്തില്‍ 3 സ്വര്‍ണവും 6 വെള്ളിയും 2 വെങ്കലവും ഉള്‍പ്പടെ 35 പോയിന്റുമായി ഇരട്ടയാര്‍ സെന്റ് തോമസ് സ്‌കൂളാണ് മുന്നില്‍. രണ്ടാം സ്ഥാനത്തുള്ള കാല്‍വരി മൗണ്ട് കാല്‍വരി സ്‌കൂളിന് 3 സ്വര്‍ണവും ആറ് വെള്ളിയും 1 വെങ്കലവും ഉള്‍പ്പടെ 34 പോയിന്റാണ്.

4 സ്വര്‍ണവും 1 വെള്ളിയും 5 വെങ്കലവും ഉള്‍പ്പടെ 28 പോയിന്റാണ് മൂന്നാം സ്ഥാനത്തുള്ള എന്‍.ആര്‍ സിറ്റി എസ്.എന്‍.വി ഹയര്‍ സെക്കന്ററി സ്‌കൂളിന് ലഭിച്ചത്. 100 മീറ്റര്‍, 600 മീറ്റര്‍, 3000 മീറ്റര്‍ ഓട്ടമത്സരങ്ങള്‍, 80 മീറ്റര്‍, 110 മീറ്റര്‍, 100 മീറ്റര്‍ ഹര്‍ഡില്‍സുകള്‍, 4 ഗുണം 100 മീറ്റര്‍ റിലേ, ലോങ് ജംപ്, ഹൈ ജംപ്, ഷോട്ട് പുട്ട്, ഡിസ്‌കസ് ത്രോ എന്നീ മത്സരങ്ങളാണ് ഇന്ന് നടന്നത്.

നാളെ രാവിലെ 200 മീറ്റര്‍ ഹീറ്റ്‌സ്, 800 മീറ്റര്‍ ഹീറ്റ്‌സ്, 400 മീറ്റര്‍ ഹര്‍ഡില്‍സ്, ലോങ് ജംപ്, ഹൈ ജംപ്, ഷോട്ട് പുട്ട്, ഡിസ്‌കസ് ത്രോ, ജാവലിന്‍ ത്രോ, എന്നിവയും ഉച്ചയ്ക്ക് ശേഷം 200 മീറ്റര്‍ ഫൈനലുകള്‍, 800 മീറ്റര്‍ ഫൈനലുകള്‍, 3 കിലോമീറ്റര്‍, 5 കിലോമീറ്റര്‍ നടത്തം എന്നിവയാണ് നടക്കുന്നത്. മത്സരങ്ങള്‍ ബുധനാഴ്ച സമാപിക്കും.