തൊഴിലാളികൾക്കായി മത്സരങ്ങൾ : സിഐടിയു അറിവുത്സവം 5 ന് കട്ടപ്പനയിൽ
സിഐടിയു സന്ദേശം 50-ാം വാർഷികത്തോടനുബന്ധിച്ച് ജില്ലാ കമ്മിറ്റിയുടെ നേതൃത്വത്തിൽ 5ന് രാവിലെ 9 മണി മുതൽ കട്ടപ്പന സിഎസ്ഐ ഗാർഡനിൽ തൊഴിലാളികൾക്കായി അറിവുത്സവം നടത്തും. തൊഴിലാളി ജീനിയസ് ക്വിസ്, പ്രസംഗം(മലയാളം, തമിഴ്), ലേഖനം(മലയാളം), ചെറുകഥാരചന(മലയാളം), കവിതാരചന(മലയാളം), പോസ്റ്റർ ഡിസൈനിങ്, മുദ്രാവാക്യ രചന(മലയാളം, തമിഴ്), ചലച്ചിത്രഗാന മത്സരം(മലയാളം, തമിഴ്) എന്നീ ഇനങ്ങളിൽ തൊഴിലാളികൾക്ക് മത്സരിക്കാം.
വിജയികൾക്ക് ക്യാഷ് അവാർഡും ഉപഹാരവും നൽകും. 29, 30 തീയതികളിൽ കോഴിക്കോട് നടക്കുന്ന സംസ്ഥാന കലോത്സവത്തിലേക്ക് യോഗ്യതയും ലഭിക്കും. സമാപന സമ്മേളനം വൈകിട്ട് അഞ്ചിന് പുരോഗമന കലാസാഹിത്യ സംഘം സംസ്ഥാന സെക്രട്ടറി വി എസ് ബിന്ദു ഉദ്ഘാടനം ചെയ്യും. സിഐടിയു ജില്ലാ സെക്രട്ടറി കെ എസ് മോഹനൻ, പ്രസിഡന്റ് ആർ തിലകൻ, സിപിഎം കട്ടപ്പന ഏരിയ സെക്രട്ടറി വി ആർ സജി, സിഐടിയു ജില്ലാ കമ്മിറ്റിയംഗം കെ ആർ സോദരൻ തുടങ്ങിയവർ സംസാരിക്കും.
.jpeg)
താൽപര്യമുള്ളവർ പേര് നൽകണം. ഫോൺ: 9544647090, 9447800893.വാർത്താസമ്മേളനത്തിൽ കെ എസ് മോഹനൻ, വി ആർ സജി, എം സി ബിജു, ടോമി ജോർജ്, സി ആർ മുരളി, ലിജോബി ബേബി എന്നിവർ പങ്കെടുത്തു.
