.jpg)
തിരുവനന്തപുരം ട്രിവാന്ഡ്രം സ്കോട്ടിഷ് സ്കൂളില് തീപിടിത്തം; 3 ബസുകള് കത്തിനശിച്ചു, സംഭവം പുലര്ച്ചെ
ചെങ്കോട്ടുകോണത്ത് സ്കൂളിലുണ്ടായ തീപിടിത്തത്തില് മൂന്ന് സ്കൂള് ബസുകള് കത്തിനശിച്ചു. തുണ്ടത്തില് ട്രിവാന്ഡ്രം സ്കോട്ടിഷ് സ്കൂളിലാണ് തീപിടിത്തം ഉണ്ടായത്.സ്കൂള് ഗ്രൗണ്ടില് പാര്ക്ക് ചെയ്ത ബസുകളാണ് കത്തിയത്. മൂന്നു ബസുകള് പൂര്ണമായും ഒരു ബസ് ഭാഗികമായും കത്തിനശിച്ചു.പുലര്ച്ചെ മൂന്ന് മണിയോടെയാണ് സംഭവം. തീ ആളിക്കത്തുന്നത് കണ്ട നാട്ടുകാരാണ് ഫയര്ഫോഴ്സില് വിവരമറിയിച്ചത്. പിന്നീട് ഫയര്ഫോഴ്സ് സംഘം എത്തിയാണ് തീയണച്ചത്. ഈ സമയത്ത് ഒരു സെക്യൂരിറ്റി ജീവനക്കാരന് മാത്രമേ സ്കൂളില് ഉണ്ടായിരുന്നുള്ളൂ. അതേസമയം, തീപിടിത്തത്തിന് എന്താണ് കാരണമെന്ന് വ്യക്തമല്ല. സിസിടിവി ഉള്പ്പെടെ പൊലീസ് പരിശോധിച്ചുവരികയാണ്.
.jpeg)
