.jpg)
81 ബോട്ടില് വിദേശ മദ്യവുമായി എഴുപത്തിയഞ്ചുകാരന് പിടിയില്
81 ബോട്ടില് വിദേശ മദ്യവുമായി എഴുപത്തിയഞ്ചുകാരനെ എക്സൈസ് പിടികൂടി.പടിഞ്ഞാറത്തറ പറശ്ശിനിമുക്ക് സ്വദേശി ചക്കിശ്ശേരി വീട്ടില് സി ഡി ജോണിയാണ് പിടിയിലായത്.ബിവറേജസ് ഔട്ട്ലെറ്റുകള് അടച്ചിടുന്ന ദിവസങ്ങളില് അമിത വിലയ്ക്ക് വില്ക്കാനായി ശേഖരിച്ച 81 ബോട്ടില് വിദേശ മദ്യമാണ് ഇയാളില് നിന്നും പിടികൂടിയത്. ഇത് 40.5 ലിറ്റര് മദ്യം വരുമെന്നാണ് എക്സൈസ് ഉദ്യോഗസ്ഥര് പറഞ്ഞു.
.jpeg)
സര്ക്കാര് നേരിട്ട് വില്പ്പന നടത്തുന്ന മദ്യം കിട്ടാത്ത ദിവസങ്ങളില് വിവിധ ഇടങ്ങളിലായി അമിത വിലയ്ക്ക് ഇയാള് മദ്യം വില്ക്കുന്നതായി എക്സൈസിന് വിവരം ലഭിച്ചിരുന്നു. ഇയാളെ എക്സ്സൈ് ഉദ്യോഗസ്ഥര്. നിരീക്ഷിച്ചു വരികയായിരുന്നു. ഇതിനിടെയാണ് പറശ്ശിനിമുക്ക് ജോണി എക്സൈസിന്റെ വാഹന പരിശോധനയില് കുടുങ്ങിയത്.
കല്പ്പറ്റ എക്സൈസ് സര്ക്കിള് ഓഫീസിലെ പ്രിവന്റീവ് ഓഫീസര് പി ആര് ജിനോഷ്, സിവില് എക്സൈസ് ഓഫീസര്മാരായ അഭിലാഷ് ഗോപി, സജിപോള്, കെ കെ വിഷ്ണു, വനിതാ സിവില് എക്സൈസ് ഓഫീസര് കെ വി സൂര്യ പ്രിവന്റീവ് ഓഫീസര് ഡ്രൈവര് അന്വര് കളോളി എന്നിവരടങ്ങുന്ന സംഘമാണ് വാഹന പരിശോധന നടത്തിയത്. 10 വര്ഷം വരെ കഠിനതടവ് ശിക്ഷ ലഭിച്ചേക്കാവുന്ന കുറ്റമാണിത്
