മാർ സ്ലീവാ മെഡിസിറ്റി പാലായുടെ നേതൃത്വത്തിൽ കാൻ ഹെൽപ്പ് - കാൻസറിനെതിരെ ഒരുമിച്ച് എന്ന പേരിൽ ബൃഹത് പദ്ധതിക്കു ഇടുക്കി ജില്ലയിൽ നിന്നു തുടക്കമായി. വാഴത്തോപ്പ് സെന്റ് ജോർജ് കത്തീഡ്രലിൽ മന്ത്രി റോഷി അ​ഗസ്റ്റിൻ പദ്ധതിയുടെ ഉദ്ഘാടനം നിർവ്വഹിച്ചു. കാൻസറിനെതിരെ പോരാടാൻ ബോധവൽക്കരണമാണ് ഏറ്റവും പ്രധാന മാർഗ്ഗമെന്ന് മന്ത്രി പറഞ്ഞു.

കൃത്യമായ ബോധവൽക്കരണവും മുൻകൂട്ടിയുള്ള പരിശോധനയും എവർക്കും ഉറപ്പിക്കാൻ മാർ സ്ലീവാ മെഡിസിറ്റി നടത്തുന്ന പ്രവർത്തനങ്ങൾ മാതൃകപരമാണെന്നും മന്ത്രി പറഞ്ഞു . മാർ സ്ലീവാ മെഡിസിറ്റി മാനേജിം​ഗ് ഡയറക്ടർ മോൺ.ഡോ.ജോസഫ് കണിയോടിക്കൽ അധ്യക്ഷത വഹിച്ചു. ആശുപത്രിയുടെ സാമൂഹിക പ്രതിബദ്ധതയുടെ ഭാഗമായി ഇടുക്കി ജില്ലയിൽ കൂടുതൽ ബോധവൽക്കരണ പരിപാടികളും ജീവ കാരുണ്യ പ്രവർത്തനങ്ങളും സംഘടിപ്പിക്കുമെന്ന് അദ്ദേഹം പറഞ്ഞു.

  ഓങ്കോളജി വിഭാ​ഗം മേധാവി ഡോ.റോണി ബെൻസൺ പദ്ധതി അവതരിപ്പിച്ചു. വാഴത്തോപ്പ് സെന്റ് ജോർജ് പള്ളി വികാരി റവ.ഫാ.ടോമി ആനിക്കുഴിക്കാട്ടിൽ, മാർ സ്ലീവാ മെഡിസിറ്റി ഓപ്പറേഷൻസ് , ബ്രാൻ‌ഡിം​ഗ് ആൻഡ് ഹെൽത്ത് കെയർ പ്രമോഷൻസ് വിഭാ​ഗം ഡയറക്ടർ റവ.ഫാ.​ഗർവാസീസ് ആനിത്തോട്ടത്തിൽ, ഇടുക്കി രൂപത മാതൃവേദി സെക്രട്ടറി ​ആ​ഗ്നസ് ബേബി എന്നിവർ പ്രസം​ഗിച്ചു.

പദ്ധതിയുടെ ഭാ​ഗമായി വനിതകൾക്കായി സ്തനനാർ‌ബുദത്തെ കുറിച്ചു ബോധവൽക്കരണ പരിപാടികളും സ്ക്രിനീം​ഗ് പരിശോധനകളും ശലഭം എന്ന പേരിൽ നടത്തി . കൂടാതെ വായിലെ കാൻസർ, ​ഗർഭാശയ കാൻസർ എന്നിവയുടെ പരിശോധനയും നടത്തി. '