കരിമല ഫാത്തിമ മാതാ പള്ളിയിലെ എട്ടു നോമ്പാചരണത്തിന് തുടക്കമായി.ഇടവകവികാരി ഫാ. ആൻ്റണി പാറക്കടവിൽ കൊടിയേറ്റ് നടത്തി. തുടർന്ന് തിരുസ്വരൂപ പ്രതിഷ്ഠ, വിശുദ്ധ കുർബാന നൊവേന എന്നീ ചടങ്ങുകളും നടന്നു.സെപ്റ്റംബർ 2 മുതൽ 6 വരെ രാവിലെ 6 -30 ന് ജപമാലയും 7 മണിക്ക് വിശുദ്ധ കുർബാനയും നടക്കും സെപ്റ്റംബർ 7 ഞായറാഴ്ച വൈകിട്ട് 4 -15 ന് ലദീഞ്ഞ് 4 - 30ന് ആഘോഷമായ വിശുദ്ധ കുർബാന എന്നിവ ഉണ്ടായിരിക്കും.

ഫാ. തോമസ് കരിവേലിക്കൽ സന്ദേശം നൽകും തുടർന്ന് ജപമാല പ്രദക്ഷിണവും നടക്കും.സെപ്റ്റംബർ എട്ടാം തീയതി തിങ്കളാഴ്ച രാവിലെ 10 ന് ജപമാല, 10 -30 ന് പ്രസുദേന്തിമാരുടെ കാഴ്ച സമർപ്പണം നൊവേന ആഘോഷമായ തിരുനാൾ പാട്ടു കുർബാന എന്നിവയുണ്ടായിരിക്കും.എഴുകുംവയൽ നിത്യസഹായ മാതാ പള്ളി വികാരി ഫാ. ജോസഫ് ചുനയംമാക്കൽ സന്ദേശം നൽകും.

ഉച്ചയ്ക്ക് പന്ത്രണ്ടരയ്ക്ക് പ്രദക്ഷിണവും, സമാപന ആശീർവാദവും, സ്നേഹവിരുന്നും ഉണ്ടായിരിക്കും. സെപ്റ്റംബർ 7, 8 തീയതികളിൽ രാവിലെ 7 മണി മുതൽ അമ്പ്, മുടി എന്നിവ എഴുന്നള്ളിക്കുന്നത് സൗകര്യം ഉണ്ടായിരിക്കുന്നതാണെന്ന് കൈക്കാരന്മാരായ ജിയോ കാവാലത്ത്,അബീഷ് ആൻ്റണി എന്നിവർ അറിയിച്ചു.