കേരള സംഗീത നാടക അക്കാദമി ഇടുക്കി കേന്ദ്ര കലാസമിതിയുടെ നേതൃത്വത്തിൽ റോട്ടറി ക്ലബ് ഓഫ് കട്ടപ്പന അപ്ടൗണിന്റെയും വിവിധ കലാസാംസ്കാരിക സംഘടനകളുടെയും സഹകരണത്തോടെ സംഗീതോൽസവം നടന്നു.സാംസ്കാരിക സമ്മേളനം മന്ത്രി റോഷി അഗസ്റ്റിൻ ഉദ്ഘാടനം ചെയ്തു.കേന്ദ്ര കലാസമിതി ജില്ലാ പ്രസിഡൻ്റ് കാഞ്ചിയാർ രാജൻ അധ്യക്ഷത വഹിച്ചു.സംഗീത നാടക അക്കാദമി അംഗം ആനയടി പ്രസാദ് മുഖ്യപ്രഭാഷണം നടത്തി.

സംഗീതം, അനുഭവം, ആവിഷ്കാരം എന്ന വിഷയത്തിൽ കലാശ്രീ കോട്ടയം വീരമണി പ്രഭാഷണം നടത്തി.നഗരസഭ ചെയർപേഴ്സൺ ബീന ടോമി സമ്മാനദാനം നിർവഹിച്ചു.കേരള സാഹിത്യ അക്കാദമി അംഗം മോബിൻ മോഹൻ,നോവലിസ്റ്റ് പുഷ്പമ,കേന്ദ്ര കലാസമിതി സെക്രട്ടറി എസ്.സൂര്യലാൽ,സംഘാടകസമിതി രക്ഷാധികാരി സിജു ചക്കുംമൂട്ടിൽ തുടങ്ങിയവർ സംസാരിച്ചു.

പ്രശസ്ത സംഗീതജ്ഞൻ ഹരികൃഷ്ണൻ മൂഴിക്കുളവും സംഘവും അവതരിപ്പിച്ച സംഗീത കച്ചേരി ആസ്വാദകരെ സംഗീത ലഹരിലാഴ്ത്തി.ചടങ്ങിൽ ആനയടി പ്രസാദിന്റെ ഓണനിലാവ്,രാജേഷ് വരകുമലയുടെ ഓണപ്പൂവ് എന്നീ മ്യൂസിക്കൽ ആൽബങ്ങളുടെ പ്രകാശനവും നടന്നു.

സംഗീതോത്സവത്തിന് മുന്നോടിയായി ഓണപ്പാട്ട് മത്സരവും തബല ജുഗൽബന്തിയും കട്ടപ്പന മ്യൂസിക് ക്ലബ്ബിൻ്റെ സംഗീത സന്ധ്യയും അരങ്ങേറി. സിജോ എവറസ്റ്റ്, ടോമി ആനിക്കാമുണ്ട, സന്തോഷ് കൂടക്കാട്, വിപിൻ വിജയൻ, സി.സി ജോമോൻ,ബിജോയി സ്വരലയ,രാഗസുധ, കലാമണ്ഡലം ഹരിത എന്നിവർ നേതൃത്വം നൽകി.