.jpeg)
കട്ടപ്പന പുതിയ ബസ് സ്റ്റാന്‍ഡിന് സമീപം നടപ്പാതയിലേക്ക് പെട്ടി ഓട്ടോറിക്ഷ പാഞ്ഞുകയറി രണ്ടുപേര്‍ക്ക് പരിക്കേറ്റു
കട്ടപ്പന പുതിയ ബസ് സ്റ്റാന്‍ഡിന് സമീപം നടപ്പാതയിലേക്ക് പെട്ടി ഓട്ടോറിക്ഷ പാഞ്ഞുകയറി രണ്ടുപേര്‍ക്ക് പരിക്കേറ്റു. കട്ടപ്പന സഹകരണ ആശുപത്രിയുടെ കീഴിലുള്ള ഫാര്‍മസി കോളേജിലെ വിദ്യാര്‍ഥികളും കട്ടപ്പന സ്വദേശികളുമായ അലീന സജീവന്‍, ദേവിക ടികെ എന്നിവര്‍ക്കാണ് പരിക്കേറ്റത്. വ്യാഴാഴ്ച വൈകിട്ട് 4.30 ഓടെ കട്ടപ്പന സഹകരണ ആശുപത്രിക്ക് മുമ്പിലാണ് അപകടം.
.jpg)
ഇറക്കത്തില്‍ നിയന്ത്രണം വിട്ട പെട്ടി ഓട്ടോറിക്ഷ നടപ്പാതയിലേക്ക് പാഞ്ഞു കയറി വിദ്യാര്‍ഥികളെ ഇടിക്കുകയായിരുന്നു. വാഹനം വൈദ്യുതി പോസ്റ്റില്‍ ഇടിച്ചാണ് നിന്നത്. അപകടം നടന്നയുടന്‍ ഡ്രൈവര്‍ സ്ഥലത്തുനിന്ന് കടന്നുകളഞ്ഞു. ഇയാള്‍ മദ്യലഹരിയിലായിരുന്നതായി സംശയിക്കുന്നു. പരിക്കേറ്റവരെ സഹകരണ ആശുപത്രിയില്‍ പ്രവേശിപ്പിച്ചു. കട്ടപ്പന പൊലീസ് നടപടി സ്വീകരിച്ചു.
