ഇരട്ടയാർ ഗ്രാമപഞ്ചായത്ത് പ്രസിഡൻ്റ് ജിഷ ഷാജി രാജിവച്ചു

Oct 30, 2024 - 16:04

Oct 30, 2024 - 18:08

ഇരട്ടയാർ ഗ്രാമപഞ്ചായത്ത് പ്രസിഡൻ്റ് ജിഷ ഷാജി രാജിവച്ചു

This is the title of the web page

ഇരട്ടയാർ ഗ്രാമപഞ്ചായത്ത് പ്രസിഡൻ്റ് ജിഷ ഷാജി തൽസ്ഥാനം രാജിവച്ചു. മുന്നണി ധാരണ പ്രകാരം കാലാവധി പൂർത്തീകരിച്ചതിനെ തുടർന്നാണ് രാജി. ഗ്രാമപഞ്ചായത്ത് സെക്രട്ടറി ബി.ധനേഷ് കുമാർ മുമ്പാകെ രാജിക്കത്ത് സമർപ്പിച്ചു. ഗ്രാമപഞ്ചായത്തംഗങ്ങൾ, രാഷ്ട്രീയ പാർട്ടി പ്രതിനിധികൾ തുടങ്ങിയവർ ഒപ്പമുണ്ടായിരുന്നു. കഴിഞ്ഞ തദ്ദേശ തിരഞ്ഞെടുപ്പിൽ 14 ൽ 9 സീറ്റുകൾ നേടി ഇടതുപക്ഷ മുന്നണിയാണ് ഇരട്ടയാർ പഞ്ചായത്തിൽ ഭരണം പിടിച്ചത്.

9 തിൽ കേരള കോൺഗ്രസ് എം 4 സീറ്റ് സി പി എം 3 , സി പി ഐ 2 എന്നിങ്ങനെയാണ് കക്ഷിനില. ആദ്യ ടേമിൽ 26 മാസക്കാലം കേരള കോൺഗ്രസ് എമ്മിലെ ജിൻസൺ വർക്കിയായിരുന്നു പ്രസിഡൻ്റ്. രണ്ടാം ടേമിലെ 20 മാസക്കാലമാണ് ജിഷ ഷാജി പ്രസിഡൻ്റായിരുന്നത്. വരുന്ന ഒരു വർഷക്കാലം സി പി ഐ ക്കാണ് പ്രസിഡൻ്റു സ്ഥാനം ലഭിക്കുക. സി പി ഐ യിലെ ആനന്ദ് സുനിൽ കുമാറിന് പ്രസിഡൻ്റ് സ്ഥാനം ലഭിക്കാനാണ് കൂടുതൽ സാധ്യത .