എ ഐ വൈ എഫ് കട്ടപ്പന മണ്ഡലം കമ്മിറ്റിയുടെ നേതൃത്വത്തിൽ പായസ ചലഞ്ച് സംഘടിപ്പിച്ചു
വയനാട്ടിൽ ദുരിതമനുഭവിക്കുന്ന പത്തു കുടുംബങ്ങൾക്ക് വീട് വെച്ച് നൽകുന്നതിനായി പണ സമാഹരണത്തിനായിട്ടാണ് എഐവൈഎഫ് കട്ടപ്പന മണ്ഡലം കമ്മിറ്റിയുടെ നേതൃത്വത്തിൽ പായസ ചലഞ്ച് സംഘടിപ്പിച്ചത് . മുൻപ് ആക്രി ചലഞ്ചിലൂടെ അര ലക്ഷം രൂപ കണ്ടെത്തി ജില്ലാ കമ്മിറ്റിയിൽ നൽകിയിരുന്നു. നിർമ്മലാ സിറ്റിയിൽ നടന്ന പായസ ചലഞ്ചിന്റെ ഉത്ഘാടനം സിപിഐ മണ്ഡലം സെക്രട്ടറി വി ആർ ശശി ഉദ്ഘാടനം ചെയ്തു.
എ ഐ വൈ എഫ് സംസ്ഥാന കമ്മിറ്റി അംഗം സനീഷ് മോഹനൻ, മണ്ഡലം കമ്മിറ്റി സെക്രട്ടറി വി ടി ഷാൻ , പ്രസിഡന്റ് സെന്തിൽ കുമാർ , ജില്ലാ കമ്മിറ്റി അംഗം അനിത ശ്രീനാഥ്, ജോയിന്റ് സെക്രട്ടറി വി കെ അഭിലാഷ് , പ്രേംകുമാർ, വി ആർ വിജയൻ , വിഷ്ണു സാബു, സി പി ഐ കട്ടപ്പന ലോക്കൽ സെക്രട്ടറി രാജൻ കുട്ടി മുതുകുളം, ജി കെ ജയ്മോൻ , ദേവസ്യ പീറ്റർ തുടങ്ങിയവർ പങ്കെടുത്തു.