മൂന്നാറിൽ ഓട്ടോ കൂലിയെ ചൊല്ലിയുള്ള തർക്കത്തെ തുടർന്ന് ഡ്രൈവറെ വെട്ടി പരിക്കേൽപ്പിച്ചു; ഒരാൾ അറസ്റ്റിൽ

Aug 10, 2024 - 01:34

മൂന്നാറിൽ ഓട്ടോ കൂലിയെ ചൊല്ലിയുള്ള തർക്കത്തെ തുടർന്ന് ഡ്രൈവറെ വെട്ടി പരിക്കേൽപ്പിച്ചു; ഒരാൾ അറസ്റ്റിൽ

This is the title of the web page

മൂന്നാർ ഇക്കാനഗർ സ്വദേശിയായ ഓട്ടോ ഡ്രൈവർ രാജയ്ക്കാണ് വെട്ടേറ്റത് . വ്യാഴാഴ്ച വൈകിട്ടായിരുന്നു സംഭവം. ടൗണിൽ നിന്ന് രാജയുടെ ഓട്ടോറിക്ഷയിലാണ് പ്രതിയായ അരുൺ പാണ്ടി വീട്ടിലേക്ക് മടങ്ങിയത്. വീടിനു സമീപത്ത് വച്ച് ഓട്ടോയിൽ നിന്ന് ഇറങ്ങിയ ഇയാളും രാജയും തമ്മിൽ ഓട്ടോ കൂലിയെ ചൊല്ലി വാക്കു തർക്കമുണ്ടായി.

ഇതേ തുടർന്ന് വീട്ടിലേക്ക് പോയ പ്രതി ഉടനെ വാക്കത്തിയുമായി തിരികെയെത്തി രാജയെ വെട്ടി പരിക്കേൽപ്പിക്കുകയായിരുന്നു. തലയ്ക്കും കൈയ്ക്കും വെട്ടേറ്റ് ഗുരുതരാവസ്ഥയിലായ രാജയെ മൂന്നാറിലെ സ്വകാര്യ ആശുപത്രിയിൽ പ്രവേശിപ്പിച്ചു. സംഭവത്തിനുശേഷം കടന്നു കളഞ്ഞ പ്രതിയെ പിന്നീട് പോലീസ് അറസ്റ്റ് ചെയ്തു. പ്രതിയെ ദേവികുളം കോടതിയിൽ ഹാജരാക്കി റിമാൻഡ് ചെയ്തു.