.jpg)
.jpg)
.jpg)
കട്ടപ്പന നഗരസഭയിൽ ട്രാഫിക് റെഗുലേറ്റർ കമ്മറ്റി ചേർന്നു
സ്കൂളുകൾ തുറക്കുന്ന സാഹചര്യത്തിൽ റോഡുകളിൽ സുരക്ഷ ഉറപ്പാക്കുക എന്ന ലക്ഷ്യം മുൻനിർത്തിയാണ് നഗരസഭയിൽ ട്രാഫിക് റെഗുലേറ്ററി കമ്മിറ്റി ചേർന്നത്. നഗരസഭ പരിധിയിൽ ഉൾപ്പെട്ട വിവിധ സ്കൂൾ പരിസരങ്ങളിലെ പ്രധാന റോഡുകളിൽ സീബ്ര ലൈനുകളുടെ അഭാവം പരിഹരിക്കുക, വിദ്യാർത്ഥികൾ റോഡിലൂടെ നടന്നു പോകുമ്പോൾ സുരക്ഷ ഉറപ്പാക്കുക, പാതയോരങ്ങളിലെ തകർന്ന ഫുട്പാത്തുകൾ നവീകരിക്കുക തുടങ്ങിയ വിഷയങ്ങൾ കമ്മിറ്റിയിൽ ചർച്ചയായി.
ഇതുമായി ബന്ധപ്പെട്ട് പിഡബ്ല്യുഡി, ഹൈവേ അതോറിറ്റി പ്രതിനിധികളെ വിഷയം ധരിപ്പിച്ചു. ഒപ്പം കട്ടപ്പന പുതിയ ബസ്റ്റാൻഡിൽ ഉൾപ്പെടെ ഉണ്ടാകുന്ന അനന്തകൃത ഓട്ടോ സഫാരിക്കെതിരെയും കർശനനടപടി സ്വീകരിക്കാൻ തീരുമാനമായി.മുൻസിപ്പാലിറ്റി, പോലീസ്, പിഡബ്ല്യുഡി, ഓട്ടോറിക്ഷ തൊഴിലാളികൾ എന്നിവരുടെ സംയുക്ത ആഭിമുഖ്യത്തിലാണ് യോഗം ചേർന്നത്.നഗര സഭാ സെക്രട്ടറി എം മണികണ്ഠൻ,ട്രാഫിക് എസ് ഐ -എം ആർ രാജീവ്, പി ഡബ്യു ഡി സീനിയർ ക്ലർക് വി ജെ ലിജോ, ഓട്ടോ റിക്ഷ പ്രതിനിധി ബേബി വർക്കി എന്നിവർ പങ്കെടുത്തു.
