ലഹരി വസ്തുക്കള്‍ കൈവശം വച്ചതിന് യുവാവിനെ അടിമാലി നാര്‍ക്കോട്ടിക് എന്ഫോഴ്സ്മെന്റ് സംഘം അറസ്റ്റ് ചെയ്തു
ലഹരി വസ്തുക്കള്‍ കൈവശം വച്ചതിന് യുവാവിനെ അടിമാലി നാര്‍ക്കോട്ടിക് എന്ഫോഴ്സ്മെന്റ് സംഘം അറസ്റ്റ് ചെയ്തു.രാജകുമാരി കുളപ്പാറച്ചാല്‍ സ്വദേശി റ്റിന്‍സാണ് പിടിയിലായത്.പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.അടിമാലി നാര്‍കോട്ടിക് എന്ഫോഴ്സ്മെന്റ് സ്‌ക്വാഡ് സര്‍ക്കിള്‍ ഇന്‍സ്പെക്ടര്‍ കെ രാജേന്ദ്രനും സംഘവും നടത്തിയ പരിശോധനയിലാണ് ലഹരി വസ്തുക്കളുമായി രാജകുമാരി കുളപ്പാറച്ചാല്‍ സ്വദേശി റ്റിന്‍സിനെ കസ്റ്റഡിയില്‍ എടുത്തത്.യുവാവിന്റെ പക്കല്‍ നിന്നും 2.220 ഗ്രാം മെത്താംഫിറ്റാമിനും 5 ഗ്രാം ഉണക്ക കഞ്ചാവും പിടിച്ചെടുത്തു. പ്രതിയെ അടിമാലി ജുഡീഷ്യല്‍ ഫസ്റ്റ് ക്ലാസ്സ് മജിസ്‌ട്രേറ്റ് കോടതിയില്‍ ഹാജരാക്കി.കോടതി പ്രതിയെ റിമാന്‍ഡ് ചെയ്തു. അസി.എക്സൈസ് ഇന്‍സ്പെക്ടര്‍ (ഗ്രേഡ്) അഷറഫ് കെ. എം, സിവില്‍ എക്‌സ്സൈസ് ഓഫീസര്‍ സുരേഷ് കെ.എം, പ്രശാന്ത് വി, യദുവംശരാജ്, വനിത സിവില്‍ എക്സൈസ് ഓഫീസര്‍ സിമി ഗോപി, ഡ്രൈവര്‍ നിതിന്‍ ജോണി എന്നിവരും പരിശോധനയില്‍ പങ്കെടുത്തു.
.jpeg)
