പ്രശസ്ത പരിശീലകനും എഴുത്തുകാരനുമായ പ്രീത് ഭാസ്ക്കറിന് ഈസ്റ്റോണിയ യൂറോ ഏഷ്യൻ യൂണിവേഴ്സിറ്റി ഹോണററി ഡോക്ടറേറ്റ് നൽകി ആദരിച്ചു. 23 വർഷമായി ഗുഡ് പേരന്റിംഗ് അടക്കം വിവിധ പരിശീലന മേഖലകളിൽ നൽകിയ സമഗ്ര സംഭാവനകൾ പരിഗണിച്ചാണ് പുരസ്കാരം.

ഗോവയിലെ സെർനാ ബോട്ടം ബീച്ചിലെ ബേ വാച്ച് റിസോർട്ടിൽ നടന്ന ചടങ്ങിൽ വെച്ച് ഗോവ മുൻ മുഖ്യമന്ത്രി ദിഗംബർ കമ്മത്തും യൂണിവേഴ്സിറ്റി വൈസ് ചാൻസലർ ഡോ സെബാസ്റ്റ്യൻ മെന്റസും ചേർന്നാണ് ഡോക്ടറേറ്റ് നൽകി ആദരിച്ചത്. വൈക്കം കേന്ദ്രമായി പ്രവർത്തിക്കുന്ന വിവിധോദ്ദേശ പരിശീലന കേന്ദ്രമായ CELT (Centre for Easy Learning and Training) ന്റെ ഡയറക്ടർ ആണ്. പരിശീലന രംഗത്ത് 5000 ൽ അധികം വേദികൾ പിന്നിട്ട ഇദ്ദേഹം മികച്ച പ്രഭാഷകൻ, സംഘാടകൻ, എഴുത്തുകാരൻ എന്നീ നിലകളിലും പ്രശസ്തനാണ്. മാതാപിതാക്കൾക്കുള്ള "Good Paranting" എന്ന വിഷയത്തിൽ കേരളത്തിലെ വിവിധ സ്കൂൾ, കോളേജ് എന്നിവിടങ്ങളിലായി രണ്ടരലക്ഷത്തോളം രക്ഷിതാക്കൾക്ക് ഇതുവരെ പരിശീലനം നൽകിയിട്ടുണ്ട്. ഇത് കൂടാതെ വിദ്യാർത്ഥികൾക്കായി മോട്ടിവേഷൻ, ജീവിത നൈപുണി (Life skills) എന്നിവയിലും പരിശീലനം നൽകിവരുന്നു.

വിദ്യാർത്ഥികൾക്കിടയിലെ ആത്മഹത്യ പ്രവണതയ്ക്കെതിരെ വിദ്യാലയങ്ങൾ കേന്ദ്രീകരിച്ച് 500 സൗജന്യ പ്രഭാഷണങ്ങൾ നടത്തി വരുന്നു.

Human Rights Forum ഏർപ്പെടുത്തിയ Trainer Excellence Award 2022 നേടിയ ഇദ്ദേഹം രണ്ടു പുസ്തകങ്ങൾ എഴുതിയിട്ടുണ്ട്. ബാലസാഹിത്യ കൃതിയായ 'പഞ്ചാര മുട്ടായി ' രണ്ട് പതിപ്പുകൾ പുറത്തിറക്കി. മാതാപിതാക്കൾക്കായി എഴുതിയ 'കഥപറയുന്ന കളിവീടുകൾ ' എന്ന പുസ്തകം ഇത് വരെ ആറ് പതിപ്പുകളാണ് വിറ്റഴിഞ്ഞത്. ആനുകാലികങ്ങളിലും എഴുതാറുള്ള ഇദ്ദേഹത്തിന്റെ സൃഷ്ടികളും പ്രഭാഷണങ്ങളും ആകാശവാണിയും വിക്ടേഴ്സ് ചാനലും പ്രക്ഷേപണം ചെയ്തിട്ടുണ്ട്.Our Responsibility to Children (ORC), KILA എന്നിവയുടെ RP ആയും പ്രവർത്തിക്കുന്നു.

 കേരളത്തിലെ വിവിധ പത്ര സ്ഥാപനങ്ങളിൽ 25 വർഷത്തോളം മാധ്യമ പ്രവർത്തനം നടത്തി. കേരള ജേർണലിസ്റ്റ് യൂണിയൻ ഇടുക്കി ജില്ലാ സെക്രട്ടറി, സംസ്ഥാന കമ്മിറ്റി അംഗം, കുട്ടികളുടെ മാസിക 'എഴുത്തോല'യുടെ അസോസിയേറ്റ് എഡിറ്റർ, പി എൻ പണിക്കർ ഫൗണ്ടേഷൻ ഇടുക്കി ജില്ലാ കോർഡിനേറ്റർ,

നന്മ കലാസാഹിത്യ വേദി ഇടുക്കി ജില്ലാ പ്രസിഡന്റ്, അടിമാലി ഫിലിം സൊസൈറ്റി സെക്രട്ടറി, പുരോഗമന കലാ സാഹിത്യ സംഘം ഇടുക്കി ജില്ലാ കൗൺസിൽ അംഗം എന്നീ നിലകളിൽ പ്രവർത്തിച്ചു. ഉപ്പുതറ നളന്ദ കോളേജ്, അടിമാലി നളന്ദ സ്കൂൾ ഓഫ് ആർട്സ് എന്നിവയുടെ പ്രിൻസിപ്പാൾ ആയിരുന്നു. ഇപ്പോൾ വൈക്കം കേന്ദ്രമായി പ്രവർത്തിക്കുന്ന വൈക്കം സഹൃദയ വേദിയുടെ സെക്രട്ടറിയും വൈക്കം മാനേജ്മെന്റ് അസോസിയേഷന്റെ എക്സിക്യൂട്ടീവ് കമ്മിറ്റി അംഗവുമാണ്.

സമ്പൂർണ്ണ സാക്ഷരത യജ്ഞം ആരംഭിച്ചപ്പോൾ അസിസ്റ്റന്റ് പ്രോജക്ട് ഓഫീസർ ആയിരുന്നു. ഇടുക്കി ജില്ലയിലെ ഉപ്പുതറയിൽ ജനിച്ച പ്രീത് ഭാസ്ക്കർ ജോലിയുടെ ഭാഗമായി മൂന്നാറിലും അടിമാലിയിലും ഏറെക്കാലം താമസിച്ചു. പരേതനായ ഇകെ ഭാസ്ക്കരന്റേയും വസുമതിയമ്മയുടേയും മകനാണ് പ്രീത് ഭാസ്ക്കർ. വൈക്കം ഫേമസ് ബേക്കറി ഉടമ സ്മിതയാണ് ഭാര്യ.വിദ്യാർത്ഥികളായ അമൃത ഭാസ്കര ശിവപ്രിയ, ആദി ഭാസ്ക്കര ശിവസ്വരൂപ് എന്നിവർ മക്കളാണ്. ഇപ്പോൾ വൈക്കം വടക്കേ നട കൊച്ചാലുംചുവട്ടിൽ താമസിക്കുന്നു.