ഇടുക്കിയിൽ പ്രചാരണം ഊർജിതമാക്കി യുഡിഎഫ്

ഇടുക്കി : ഇടുക്കിയിൽ പ്രചാരണ പ്രവർത്തനങ്ങൾക്ക് വേഗം കൂട്ടി യുഡിഎഫ്. ഇന്നലെ ഇടുക്കി നിയോജകമണ്ഡലത്തിലെ വിവിധ പഞ്ചായത്തുകളിൽ തിരക്കിട്ട പരിപാടികളിൽ സജീവമായിരുന്നു യുഡിഎഫ് സ്ഥാനാർത്ഥി ഡീൻ കുര്യാക്കോസ്.

രാവിലെ കുടയത്തൂർ പഞ്ചായത്തിലെ ചക്കിക്കാവ് ഭാഗത്ത് ആരാധനാലയങ്ങൾ, മഠങ്ങൾ, കടകൾ, സ്ഥാപനങ്ങൾ എന്നിവ സന്ദർച്ച ശേഷം കൂവപ്പിള്ളി, അടൂർമല, കോളപ്ര, കുടയത്തൂർ എന്നി ഭാഗങ്ങളിൽ കൂടി യുഡിഎഫ് സ്ഥാനാർത്ഥി പ്രചരണം നടത്തി.കാഞ്ഞാറിൽ വിവിധ ആരാധനാലയങ്ങൾ കുടയത്തൂർ, കാഞ്ഞാർ എന്നിവിടങ്ങളിൽ പ്രമുഖ വ്യക്തികൾ എന്നിവരെയും ഡീൻ കുര്യാക്കോസ് സന്ദർശിച്ചു.

തുടർന്ന് അറക്കളം പഞ്ചായത്തിൽ സെൻ്റ് ജോസഫസ് കോളജ് മഠം, ഫുഡ് കോർപ്പറേഷൻ ഓഫ് ഇന്ത്യയുടെ ഗോഡൗൺ, ജ്യോതി ഭവൻ, ബിഷപ്പ് വയലിൽ മെഡിക്കൽ സെൻ്റർ, മൂലമറ്റം എന്നിവിടങ്ങളിലായിരുന്നു ഡീൻ കുര്യാക്കോസിൻ്റെ പര്യടനം.ഉച്ചക്ക് ശേഷം വാഴത്തോപ്പ് പഞ്ചായത്തിൽ ചെറുതോണി, പള്ളിക്കവല, കരിമ്പൻ എന്നിവിടങ്ങളിൽ ഡീൻ പ്രചരണം നടത്തി. 

കഞ്ഞിക്കുഴി പഞ്ചായത്തിൽ ചേലചുവട്, ചുരുളി പ്രദേശത്തും ഡീൻ കുര്യാക്കോസ് പ്രചരണത്തിനെത്തി.വിവിധ ഇടങ്ങളിൽ തൊഴിലാളികളും വിദ്യാർത്ഥികളും ചേർന്ന് ഡീൻ കുര്യാക്കോസിനെ സ്വീകരിച്ചു.വൈകിട്ട് ദേവികുളം നിയോജകമണ്ഡലത്തിലെ വെള്ള തൂവൽ പഞ്ചായത്തിൽ ഡീൻ കുര്യാക്കോസ് നയിച്ച റോഡ് ഷോയും സംഘടിപ്പിച്ചു.