ഇടുക്കി ഓർത്തഡോക്സ് മെഡിക്കൽ മിഷൻ ഹോസ്പിറ്റൽ റോട്ടറി ക്ലബ് ഓഫ് കട്ടപ്പന ഹെറിറ്റേജിന്റെ ജീവകാരുണ്യ പ്രവർത്തനങ്ങളിലേക്ക് സംഭാവന ചെയ്ത 50 മെഡിക്കൽ ബെഡുകൾ സെപ്റ്റംബർ 2 ബുധനാഴ്ച മുരിക്കാശ്ശേരി സ്നേഹമന്ദിരത്തിന് കൈമാറും.സെപ്റ്റംബർ 2-ന് ഉച്ചകഴിഞ്ഞ് 3 മണിക്ക് നടക്കുന്ന പരിപാടിയിൽ ക്ലബ് പ്രസിഡന്റ് ഷിബു പോൾ അധ്യക്ഷത വഹിക്കും. സക്കറിയ മാർ സേവേറിയോസ് മെത്രാപ്പോലീത്ത മെഡിക്കൽ ബെഡുകളുടെ കൈമാറ്റം നിർവഹിക്കും. 

 വണ്ടൻമേട് ഗ്രാമപഞ്ചായത്ത് പ്രസിഡന്റ് സുസൻ ജേക്കബ്, വൈസ് പ്രസിഡന്റ് ബിജു ആക്കാട്ടുമുണ്ട, ഗ്രാമപഞ്ചായത്ത് അംഗം ടോണി മാക്കോറ, ഓർത്തഡോക്സ് സഭ മാനേജിങ് കമ്മിറ്റി അംഗം ജെം കൊരസൺ, ഹോസ്പിറ്റൽ ഗവേണിംഗ് കൗൺസിൽ അംഗം പ്രിൻസ് ചെറിയാൻ, റോട്ടറി ക്ലബ് ഓഫ് കട്ടപ്പന ഹെറിറ്റേജ് ഭാരവാഹികൾ, ഇടുക്കി ഓർത്തഡോക്സ് മെഡിക്കൽ മിഷൻ ഹോസ്പിറ്റൽ പ്രതിനിധികൾ, സ്നേഹമന്ദിരം ഭാരവാഹികൾ, റോട്ടറി അംഗങ്ങൾ, സാമൂഹിക-സാംസ്കാരിക രംഗത്തെ പ്രമുഖർ തുടങ്ങിയവർ പങ്കെടുക്കും.

രോഗികൾക്കും വയോജനങ്ങൾക്കും പ്രത്യേക പരിചരണവും സംരക്ഷണവും നൽകിവരുന്ന സ്നേഹമന്ദിരം, മുരിക്കാശ്ശേരിയുടെ സേവന പ്രവർത്തനങ്ങൾക്ക് കുടുതൽ പിന്തുണ നൽകുക എന്ന ലക്ഷ്യത്തോടെയാണ് 50 മെഡിക്കൽ ബൈഡുകൾ നൽകുന്നത്.ആരോഗ്യപരിപാലന രംഗത്തെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിനൊപ്പം സമൂഹത്തിൽ സഹായം ആവശ്യമുള്ളവരിലേക്ക് കൂടുതൽ ഫലപ്രദമായ സേവനം എത്തിക്കുക എന്ന റോട്ടറിയുടെ ലക്ഷ്യത്തിന്റെ ഭാഗമായാണ് ഈ പദ്ധതി നടപ്പാക്കുന്നത്.വാർത്താ സമ്മേളനത്തിൽ റോട്ടറി ക്ലബ് ഓഫ് കട്ടപ്പന ഹെറിറ്റേജ് ഭാരവാഹികളായ പ്രസിഡന്റ് ഷിബു പോൾ, പ്രോഗ്രാം കോ-ഓർഡിനേറ്റർ പ്രിൻസ് ചെറിയാൻ, ജി.ജി.ആർ അഖിൽ വിശ്വനാഥൻ, സെക്രട്ടറി ബിനോയ് അഗസ്റ്റിൻ, ട്രഷറർ ജിത്ത് ജോസഫ്, പാസ്റ്റ് പ്രസിഡന്റുമാരായ പി. എം. ജെയിംസ്, സന്തോഷ് ദേവസ്യ, ജിതിൻ കൊല്ലംകുടി , ജോസ് കുര്യാക്കോസ്, സുധീപ് കെ.കെ, സാജൻ കുര്യാക്കോസ്, വിജി ജോസഫ് എന്നിവർ പങ്കെടുത്തു.