വനമിത്ര അവാര്ഡ്: അപേക്ഷ ക്ഷണിച്ചു
ജൈവവൈവിധ്യ സംരക്ഷണ രംഗത്തെ മികച്ച സംഭാവനകള്ക്ക് കേരള വനം-വന്യജീവി വകുപ്പ് വനമിത്ര അവാര്ഡ് നല്കുന്നു. 25000/ രൂപയും പ്രശസ്തിപത്രവും അടങ്ങുന്നതാണ് അവാര്ഡ്. കാവുകള്, ഔഷധച്ചെടികള്, കാര്ഷിക ജൈവവൈവിധ്യം മുതലായവയുടെ സംരക്ഷണത്തിലൂടെ പ്രാദേശിക ജൈവവൈവിധ്യം പരിരക്ഷിക്കുന്നതിന് നടത്തിയ പ്രവര്ത്തനങ്ങളാണ് അവാര്ഡിന് പരിഗണിക്കുന്നത്.
വ്യക്തികള്ക്കും സന്നദ്ധസംഘടനകള്ക്കും വിദ്യാഭ്യാസ സ്ഥാപനങ്ങള്ക്കും കര്ഷകര്ക്കും അവാര്ഡിന് അപേക്ഷിക്കാം. ഒരു ജില്ലയില് ഒരു അവാര്ഡാണ് നല്കുക. ഇടുക്കി ജില്ലയില് 2026-27 വര്ഷം വനമിത്ര അവാര്ഡിന് അപേക്ഷിക്കാന് ആഗ്രഹിക്കുന്നവര് അസിസ്റ്റന്റ് ഫോറസ്റ്റ് കണ്സര്വേറ്റര്, സോഷ്യല് ഫോറസ്ട്രി ഡിവിഷന്, ഇടുക്കി, സഹ്യാസാനു ഫോറസ്റ്റ് കോംപ്ലക്സ്, വെള്ളാപ്പാറ, പൈനാവ്.പി.ഒ 685 603 എന്ന വിലാസത്തില് 2026 സെപ്റ്റംബര് 10 ന് മുമ്പായി അപേക്ഷ സമര്പ്പിക്കണം.
.jpeg)
അപേക്ഷയോടൊപ്പം അവാര്ഡിനുള്ള അര്ഹത തെളിയിക്കുന്ന വിവരങ്ങള് അടങ്ങിയ ഒരു കുറിപ്പും തെളിവിനായി പ്രസക്തമായ രേഖകള്, ഫോട്ടോഗ്രാഫുകള് എന്നിവയും ഉള്പ്പെടുത്തണം. കൂടുതല് വിവരങ്ങള്ക്ക് ഇടുക്കി ജില്ലാ സാമൂഹ്യ വനവല്ക്കരണ വിഭാഗം അസിസ്റ്റന്റ് ഫോറസ്റ്റ് കണ്സര്വേറ്ററുടെ ഓഫീസില് 04862232505 എന്ന ഫോണ് നമ്പറില് ബന്ധപ്പെടാം.
