കാട്ടാന ആക്രമണങ്ങളിൽ മരണപ്പെടുന്നവർക്കുള്ള ധന സഹായം ഇരട്ടിപ്പിക്കണമെന്നും ഇതിനായി കേന്ദ്ര സംസ്ഥാന സർക്കാരുകൾ തുല്യ വിഹിതം വഹിക്കണമെന്നും എ ഐ ടി യു സി സംസ്ഥാന പ്രസിഡൻ്റ് ടി ജെ ആഞ്ചലോസ് ആവശ്യപ്പെട്ടു.

Jun 21, 2026 - 20:27

This is the title of the web page

കാന്തല്ലൂർ ചുരക്കുളത്ത് കട്ടാന ആക്രമണത്തിൽ അന്തരിച്ച മുരുകന്റെ വസതി സന്ദർശിച്ചതിന് ശേഷം പ്രതികരിക്കുകയായിരുന്നു അദ്ദേഹം.വന്യജീവി ആക്രമണങ്ങളിൽ നിന്നും ജനങ്ങൾക്ക് സംരക്ഷണം നൽകുന്നതിനുള്ള പദ്ധതികൾക്കുള്ള തുക നീക്കി വെക്കാത്ത ബഡ്ജറ്റാണ് മുഖ്യമന്ത്രി അവതരിപ്പിച്ചതെന്ന് അദ്ദേഹം പറഞ്ഞു.

ജനവാസ കേന്ദ്രങ്ങളിൽ ഫലപ്രദമായ പ്രതിരോധ പ്രവർത്തനങ്ങൾ ഉണ്ടാകണം. ജില്ലയിൽ നിരവധി മരണങ്ങൾ ഉണ്ടായിട്ടും സർവ്വകക്ഷി യോഗം വിളിക്കുവാൻ സർക്കാർ തയ്യാറായിട്ടിയെന്ന് അദ്ദേഹം കുറ്റപ്പെടുത്തി. സി പി ഐ ജില്ലാ സെക്രട്ടറി കെ സലിം കുമാർ, മണ്ഡലം സെക്രട്ടറി ടി ചന്ദ്ര ബാൽ,ബ്ലോക്ക് പഞ്ചായത്ത് പ്രസിഡൻ്റ് രാജേശ്വരി , ടി ഗണേശൻ , ശശികുമാർ, കുമാരവേൽ, ജോർജ്ജ് എന്നിവർ ഒപ്പമുണ്ടായിരുന്നു.