എല്‍‌പി‌ജി ക്ഷാമം നേരിടുന്ന ഇന്ത്യയ്‌ക്ക് ഒരു വലിയ ആശ്വാസമായി ഏകദേശം 47,000 മെട്രിക് ടണ്‍ ദ്രവീകൃത പെട്രോളിയം വാതകവുമായി മറ്റൊരു എല്‍‌പി‌ജി ടാങ്കറായ ‘നന്ദ ദേവി’ ചൊവ്വാഴ്ച ഗുജറാത്തിലെ വാഡിനാർ തുറമുഖത്ത് എത്തി.നേരത്തെ സംഘർഷബാധിതമായ ഹോർമുസ് കടലിടുക്ക് കടന്ന ആദ്യത്തെ എല്‍‌പി‌ജി ടാങ്കറായ ശിവാലിക് ഗുജറാത്തിലെ മുന്ദ്ര തുറമുഖത്ത് എത്തിയിരുന്നു. എല്‍‌പി‌ജി വഹിക്കുന്ന രണ്ട് ഇന്ത്യൻ കപ്പലുകള്‍ക്ക് ഇറാനിയൻ അധികൃതർ ഹോർമുസ് കടലിടുക്ക് വഴി ഗതാഗതം അനുവദിച്ചിരുന്നു. അവയിലൊന്ന് ശിവാലിക് ആണ് മറ്റൊന്ന് ഇപ്പോള്‍ എത്തിയ നന്ദ ദേവി എന്ന കപ്പല്‍.പ്രതിസന്ധി ഘട്ടത്തില്‍ ഇന്ത്യയെ സഹായിക്കാൻ 47,000 മെട്രിക് ടണ്‍ എല്‍പിജി സഹായിക്കുംഇന്ത്യൻ തുറമുഖ, ഷിപ്പിംഗ്, ജലപാത മന്ത്രാലയം, ഷിപ്പിംഗ് കോർപ്പറേഷൻ ഓഫ് ഇന്ത്യ എന്നിവയാണ് ഈ മുൻകൈയെടുത്തതെന്നും, ഇന്ത്യൻ, ഇറാനിയൻ നാവികസേനകള്‍ ഹോർമുസ് കടലിടുക്ക് കടക്കാൻ ആവശ്യമായ സഹായം നല്‍കിയതായും നന്ദാദേവി കപ്പലിന്റെ ചീഫ് ഓഫീസർ പറഞ്ഞു. കൂടാതെ പശ്ചിമേഷ്യയിലെ സംഘർഷം മൂലമുള്ള ആഗോള പ്രതിസന്ധി ഘട്ടത്തില്‍ ഇന്ത്യയെ സഹായിക്കാൻ 47,000 മെട്രിക് ടണ്‍ എല്‍പിജി സഹായിക്കുമെന്ന് അദ്ദേഹം കൂട്ടിച്ചേർത്തു.ഹോർമുസ് കടലിടുക്ക് മുറിച്ചുകടക്കുന്നതിനുള്ള ഈ പ്രവർത്തനത്തില്‍ പങ്കെടുത്ത എല്ലാവർക്കും ഞാൻ നന്ദി പറയുന്നു. ഇന്ത്യൻ നാവികസേനയുടെയും ഇറാനിയൻ നാവികസേനയുടെയും സഹായത്തോടെ ഇന്ത്യൻ മന്ത്രാലയം, ഷിപ്പിംഗ് കോർപ്പറേഷൻ ഓഫ് ഇന്ത്യയാണ് ഈ സംരംഭം ഏറ്റെടുത്തത്. കപ്പല്‍ ഹോർമുസ് സുരക്ഷിതമായി എത്തിച്ചു, ഇപ്പോള്‍ അത് ഗുജറാത്തിലെ കാണ്ട്ലയിലേക്ക് എത്തുകയാണ്, 46,000 മെട്രിക് ടണ്‍ എല്‍പിജി വിതരണം ചെയ്യും. ലോകമെമ്പാടുമുള്ള എല്‍പിജി പ്രതിസന്ധി പരിഹരിക്കാൻ ഇത് സഹായിക്കും. ഭാവിയിലും ഞങ്ങള്‍ എല്‍പിജി വിതരണം തുടരും,” – അദ്ദേഹം പറഞ്ഞു.നേരത്തെ തിങ്കളാഴ്ച ഏകദേശം 40,000 മെട്രിക് ടണ്‍ ദ്രവീകൃത പെട്രോളിയം വാതകവുമായി ഇന്ത്യൻ എല്‍പിജി കാരിയറായ ‘ശിവാലിക്’ ഗുജറാത്തിലെ മുന്ദ്ര തുറമുഖത്ത് എത്തിയിരുന്നു. ഇതില്‍ 20,000 മെട്രിക് ടണ്‍ മുന്ദ്രയില്‍ ഇറക്കും, ബാക്കി 26,000 മെട്രിക് ടണ്‍ മംഗലാപുരത്തേക്ക് മാറ്റും.യുഎഇയില്‍ നിന്ന് ഏകദേശം 81,000 ടണ്‍ മുർബൻ അസംസ്കൃത എണ്ണയുമായി പുറപ്പെട്ട ഇന്ത്യൻ പതാകയുള്ള ‘ജാഗ് ലാഡ്കി’ എന്ന കപ്പല്‍ സുരക്ഷിതമായി ഇന്ത്യയിലേക്കുള്ള യാത്രയിലാണ്. പേർഷ്യൻ ഗള്‍ഫ് മേഖലയിലെ എല്ലാ ഇന്ത്യൻ നാവികരും സുരക്ഷിതരാണെന്നും കഴിഞ്ഞ 24 മണിക്കൂറിനുള്ളില്‍ ഒരു സംഭവവും റിപ്പോർട്ട് ചെയ്തിട്ടില്ലെന്നും ഉദ്യോഗസ്ഥൻ പറഞ്ഞു. പേർഷ്യൻ ഗള്‍ഫില്‍ ഇപ്പോള്‍ 22 ഇന്ത്യൻ കപ്പലുകള്‍ അവശേഷിക്കുന്നുണ്ട് ഇതില്‍ ആകമാനം ആകെ 611 നാവികരാണുള്ളത്.