തമിഴ്നാട്ടിലെ കമ്പത്ത് നിന്ന് രണ്ട് ജോഡി ആനക്കൊമ്പുകൾ പിടികൂടി;ആനക്കൊമ്പുകൾ കൊണ്ടുവന്നത് കേരളത്തിലേക്ക്

തേനി ജില്ലയിലെ കമ്പത്ത് നിന്ന് കേരളത്തിലേക്ക് ആനക്കൊമ്പുകൾ വിൽപ്പനയ്ക്കായി കടത്താൻ ശ്രമിച്ചതിന് 4 പേരെ വനം വകുപ്പ് ഉദ്യോഗസ്ഥർ അറസ്റ്റ് ചെയ്തു. ഇവരിൽ നിന്ന് രണ്ട് ജോഡി ആനക്കൊമ്പുകളും കടത്താൻ ഉപയോഗിച്ച 2 ആഡംബര കാറുകളും പിടിച്ചെടുത്തു. കമ്പം വെസ്റ്റ് ഫോറസ്റ്റ് റേഞ്ചർ ദീന ദയാലന് കമ്പം ജില്ലയിൽ നിന്ന് കേരളത്തിലേക്ക് ആനക്കൊമ്പുകൾ കടത്തുന്നതായി രഹസ്യ വിവരം ലഭിച്ചു. ഇതേത്തുടർന്ന് കമ്പം ബൈപാസ് റോഡിൽ അദ്ദേഹത്തിന്റെ നേതൃത്വത്തിൽ വനം വകുപ്പ് ഉദ്യോഗസ്ഥർ വാഹന പരിശോധന നടത്തി.

ഇത് വഴി വന്ന രണ്ട് ആഡംബര കാറുകൾ തടഞ്ഞു നിർത്തി പരിശോധിച്ചപ്പോഴാണ് രണ്ട് ജോഡി ആനക്കൊമ്പുകൾ കണ്ടെത്തിയത്. ആനക്കൊമ്പുകൾ പിടിച്ചെടുത്ത വനം വകുപ്പ് ഉദ്യോഗസ്ഥർ കാറുകളിൽ വന്ന 4 പേരെ അറസ്റ്റ് ചെയ്ത് അന്വേഷണം നടത്തി.

അന്വേഷണത്തിൽ, കമ്പം മുത്തുരാമലിംഗ തേവർ സ്ട്രീറ്റിലെ കൃഷ്ണപ്രഭു (42), മധുര കൂടല നഗറിലെ അന്നമരാജ (53), മധുര സിക്കന്ദർ ചാവടി സ്ട്രീറ്റിലെ വാസുദേവൻ (53), ആനമലയൻ പട്ടിയിലെ വിജയൻ (42) എന്നിവരാണെന്ന് വ്യക്തമായി.കൂടാതെ, അന്വേഷണത്തിൽ ആനക്കൊമ്പുകൾ കേരളത്തിലേക്ക് വിൽപ്പനയ്ക്കായി കൊണ്ടുപോയതായി ഇവർ വെളിപ്പെടുത്തി.

ഇതിനെത്തുടർന്ന്, വനംവകുപ്പ് ഉദ്യോഗസ്ഥർ കൃഷ്ണപ്രഭു, അന്നമരാജ, വാസുദേവൻ, വിജയൻ എന്നീ 4 പേരെ അറസ്റ്റ് ചെയ്തു. ആനക്കൊമ്പുകളും അവ കടത്താൻ ഉപയോഗിച്ച 2 ആഡംബര കാറുകളും പിടിച്ചെടുത്തു, അന്വേഷണം തുടരുകയാണ്.