.jpg)
ചെവിയിലും മുഖത്തും അടിച്ചു, വാഹന പരിശോധനക്കിടെ മോട്ടോര് വെഹിക്കിള് ഉദ്യോഗസ്ഥൻ വിദ്യാര്ത്ഥിയെ മര്ദ്ദിച്ചതായി പരാതി
വാഹന പരിശോധനയ്ക്കിടയില് മോട്ടോർ വെഹിക്കിള് ഉദ്യോഗസ്ഥൻ വിദ്യാർത്ഥിയെ മർദ്ദിച്ചതായി പരാതി.പള്ളിപ്പുറം സ്വദേശി അഭയ കൃഷ്ണനെയാണ് മോട്ടോർ വെഹിക്കിളിലെ ഉദ്യോഗസ്ഥൻ മർദ്ദിച്ചത്. ഇന്ന് രാവിലെ 10 മണിക്ക് കോലിക്കോഡ് ബിവറേജിന് സമീപത്ത് വെച്ചാണ് സംഭവമുണ്ടായത്. മർദ്ദിക്കുന്നതിന്റെ സിസിടിവി ദൃശ്യം പുറത്തുവന്നു. കോളേജിലേക്ക് പോയപ്പോള് അഭയകൃഷ്ണ ഹെല്മറ്റ് വെച്ചിരുന്നില്ല.ഇത് ശ്രദ്ധയില്പ്പെട്ട് റോഡില് വച്ച് ഉദ്യോഗസ്ഥർ കൈകാണിച്ചപ്പോള് കുറച്ചു മുന്നേ മാറ്റി വാഹനം നിർത്തിയതാണ് ഉദ്യോഗസ്ഥനെ ചൊടിപ്പിച്ചത്. ഉദ്യോഗസ്ഥൻ അഭയകൃഷ്ണന്റെ ചെവിയിലും മുഖത്തും അടിക്കുകയായിരുന്നു. പിഴയായി 6500 അടയ്ക്കണമെന്ന് ഉദ്യോഗസ്ഥൻ പറഞ്ഞതായും അഭയ കൃഷ്ണ പറയുന്നു. മർദ്ദനമേറ്റ വിദ്യാർത്ഥി കന്യാകുളങ്ങര ഗവണ്മെൻറ് ആശുപത്രിയില് ചികിത്സ തേടി. പൊലീസില് പരാതി നല്കുമെന്ന് അഭയ കൃഷ്ണ പറഞ്ഞു.
.jpeg)
