.jpg)
കെഎസ്ആര്ടിസി ബസിന് മുന്നില് കാര് യാത്രക്കാരന്റെ 'അഭ്യാസപ്രകടനം': വഴിതടഞ്ഞത് അഞ്ച് കിലോമീറ്ററോളം
കെഎസ്ആർടിസി സ്വിഫ്റ്റ് ബസിന് മുന്നില് കാർ യാത്രക്കാരന്റെ അഭ്യാസപ്രകടനം. കാസർകോട് നിന്ന് കോട്ടയത്തേക്ക് പുറപ്പെട്ട സൂപ്പർ ഫാസ്റ്റ് ബസിനെ അഞ്ച് കിലോമീറ്ററോളം ദൂരം മറികടക്കാൻ അനുവദിക്കാതെ തടസപ്പെടുത്തിയതായാണ് കാറുകാരൻ മാർഗതടസം ഉണ്ടാക്കിയത്.സംഭവത്തില് നീലേശ്വരം പൊലീസ് കേസെടുത്ത് അന്വേഷണം ആരംഭിച്ചു.
.jpeg)
ഇന്നലെ വൈകിട്ട് അഞ്ച് മണിയോടെയാണ് സംഭവം. ബസ് കാറിനെ മറികടന്നതാണ് കാർ ഡ്രൈവറെ പ്രകോപിപ്പിച്ചത്. തുടർന്ന് ബസിനെ വേഗത്തില് മറികടന്ന കാർ, പിന്നീട് ബസിനു മുന്നില് മാർഗതടസം സൃഷ്ടിക്കുകയായിരുന്നു. ഏകദേശം അഞ്ച് കിലോമീറ്റർ ദൂരം ബസിനെ കടത്തിവിടാതെ വേഗത കുറച്ചും വളച്ചും കാറുകാരൻ അപകടഭീഷണി ഉയർത്തിയതായി ബസ് ജീവനക്കാർ പറയുന്നു.
ബസ് യാത്ര തടസപ്പെടുത്തിയതിനും യാത്രക്കാരുടെ സുരക്ഷയ്ക്ക് ഭീഷണി ഉയർത്തിയതിനും ജീവനക്കാർ നീലേശ്വരം പൊലീസില് പരാതി നല്കി. കാർ ഓടിച്ചിരുന്നയാള് കാഞ്ഞങ്ങാട് സ്വദേശിയാണെന്ന് പ്രാഥമിക അന്വേഷണത്തില് തിരിച്ചറിഞ്ഞിട്ടുണ്ട്.
