.jpg)
ബംഗാള് ഉള്ക്കടലില് അതിതീവ്ര ന്യൂനമര്ദ്ദം ; സംസ്ഥാനത്ത് 12 വരെ മഴ തുടരും.
ബാംഗാള് ഉള്ക്കടലില് രൂപപ്പെട്ട അതിതീവ്ര ന്യൂനമർദ്ദം ഇന്ന് രാത്രിയോടെ ശ്രീലങ്കൻ തീരത്ത് കരയില് പ്രവേശിക്കാൻ സാധ്യതയുള്ളതിനാല് കേരളത്തില് വരും ദിവസങ്ങളില് മഴ തുടരുമെന്ന് കേന്ദ്ര കാലാവസ്ഥാ വകുപ്പ് അറിയിച്ചു.ഇന്ന് രാത്രിയോടെ ശ്രീലങ്കയിലെ ഹബൻടോട്ടയ്ക്കും കാല്മുനായിക്കും ഇടയിലായാകും ന്യൂനമർദ്ദം കരതൊടുക. ഇതിന് പുറമെ തെക്കൻ കേരളത്തിന് സമീപം അറബിക്കടലില് ഒരു ചക്രവാതചുഴി കൂടി നിലനില്ക്കുന്നതിനാല് ജനുവരി 12 വരെ സംസ്ഥാനത്ത് വിവിധയിടങ്ങളില് മഴ ലഭിച്ചേക്കും.ജനുവരി 10-ന് സംസ്ഥാനത്ത് ഒറ്റപ്പെട്ട ശക്തമായ മഴയ്ക്കുള്ള സാധ്യതയുള്ളതിനാല് പത്തനംതിട്ട, ഇടുക്കി ജില്ലകളില് കേന്ദ്ര കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചിട്ടുണ്ട്. 24 മണിക്കൂറില് 115.5 മില്ലിമീറ്റർ വരെ മഴ ഈ ജില്ലകളില് ലഭിച്ചേക്കാം. എന്നാല് കേരളം, കർണാടക, ലക്ഷദ്വീപ് തീരങ്ങളില് നിലവില് മത്സ്യബന്ധനത്തിന് തടസ്സമില്ലെന്നും കാലാവസ്ഥാ കേന്ദ്രം വ്യക്തമാക്കി.
.jpeg)
