മൂന്നാറിന് സമീപം ആനച്ചാലിൽ സ്കൈ ഡൈനിംങ്ങിൽ വിനോദ സഞ്ചാരികൾ കുടുങ്ങിയ സംഭവത്തിൽ രണ്ട് പേർക്കെതിരെ കേസെടുത്തു.

Nov 29, 2025 - 10:44

This is the title of the web page

മൂന്നാറിന് സമീപം ആനച്ചാലിൽ സ്കൈ ഡൈനിംങ്ങിൽ വിനോദ സഞ്ചാരികൾ കുടുങ്ങിയ സംഭവത്തിൽ രണ്ട് പേർക്കെതിരെ കേസെടുത്തു.സ്ഥാപന നടത്തിപ്പുകാരായ പ്രവീൺ സോജൻ എന്നിവർക്കെതിരെയാണ് കേസ്. മതിയായ സുരക്ഷാ ക്രമീകരണങ്ങൾ ഏർപ്പെടുത്താതിരിക്കുക, മറ്റൊരാളുടെ ജീവന് ഭീഷണയാകുന്ന തരത്തിൽ ഉപകരണങ്ങൾ പ്രവർത്തിപ്പിക്കുക തുടങ്ങിയ കുറ്റങ്ങളാണ് ഇവർക്കെതിരെ ചുമത്തിയിരിക്കുന്നത്.

സംഭവത്തിൽ ദുരന്തനിവാരണ അതോറിറ്റി പ്രത്യേക അന്വേഷണവും ആരംഭിച്ചു. സ്ഥാപനത്തിന് സ്റ്റോപ് മെമ്മോ നൽകുമെന്ന് ജില്ലാ കളക്ടറും അറിയിച്ചു. റവന്യൂ വകുപ്പിൻ്റെ പരിശോധനകളും നടപടികളും തുടർ ദിവസങ്ങളിൽ ഉണ്ടാകും. സ്ഥാപനത്തിന് അഡ്വൈഞ്ചർ ടൂറിസം പ്രമോഷൻ കൗൺസിലിൻ്റെ അനുമതി മാത്രമേ ഉള്ളൂ എന്നാണ് വിവരം.