നേഴ്സിംഗ് കോഴ്സിന് അഡ്മിഷൻ നൽകാമെന്ന് പറഞ്ഞ് 2.40 ലക്ഷം രൂപ തട്ടിയെടുത്തയാൾ കട്ടപ്പനയിൽ അറസ്റ്റിൽ.  പാലക്കാട്, വടക്കഞ്ചേരി, സ്വദേശി ബിനു. പി. ചാക്കോ (49) എന്നയാളെയാണ് കട്ടപ്പന ഡി വൈ എസ് പി യുടെ നേതൃത്യത്തിലുള്ള പോലീസ് അറസ്റ്റ് ചെയ്തത്.പാലാ, തിരുവല്ല എന്നീ സ്‌ഥലങ്ങളിലുള്ള നേഴ്സിംഗ് കോളേജുകളിൽ അഡ്മിഷൻ തരപ്പെടുത്തി കൊടുക്കാമെന്നു പറഞ്ഞ്

 കട്ടപ്പന സ്വദേശിയായ യുവതിയിൽ നിന്നാണ് 2.40 ലക്ഷം രൂപ തട്ടിയെടുത്തത്. സാമൂഹ്യ മാധ്യമങ്ങളിലെ പരസ്യം കണ്ടാണ് യുവതി ഇയാളെ ബന്ധപ്പെട്ടത്. തുടർന്ന് നേഴ്സിംഗ് അഡ്മിഷൻ നൽകാമെന്ന് പറഞ്ഞു രണ്ട് ലക്ഷത്തി നാൽപതിനായിരം രൂപ കബളിപ്പിച്ചെടുത്തു.

 അഡ്മിഷൻ ലഭിക്കാതെ വന്നതോടെ യുവതി ഇയാളെ ബന്ധപ്പെട്ട് പണം തിരിക ആവിശ്യപെട്ടെങ്കിലും നൽകിയില്ല. തുടർന്ന് യുവതി കട്ടപ്പന ഡി വൈ എസ് പി വി. എ. നിഷാദ് മോന് പരാതി നൽകുകയായിരുന്നു. തുടർന്ന് ജില്ലാ പോലീസ് മേധാവി കെ എം. സാബു മാത്യുവിന്റെ നിർദേശപ്രകാരം കട്ടപ്പന സി ഐ.റ്റി. സി.മുരുകൻ,എസ്. ഐ ബിജു ബേബി, എസ് സി പി ഒ. ജോബിൻ ജോസ്, റാൾഫ് സെബാസ്റ്റ്യൻ എന്നിവരുടെ നേതൃത്വത്തിലുള്ള പോലീസ് ഇയാളെ പാലക്കാട് നിന്ന് അറസ്റ്റ് ചെയ്തു.