യുഡിഎഫ് കാഞ്ചിയാർ പഞ്ചായത്ത് തിരഞ്ഞെടുപ്പ് കൺവെൻഷൻ നടന്നു.യുഡിഎഫ് കൺവീനർ അടൂർ പ്രകാശ് കൺവെൻഷൻ ഉദ്ഘാടനം ചെയ്തു.

കെപിസിസി വൈസ് പ്രസിഡണ്ട് റോയി കെ പൗലോസ് മുഖ്യപ്രഭാഷണം നടത്തി.കാഞ്ചിയാർ പള്ളിക്കവല വനിത സാംസ്കാരിക നിലയത്തിൽ വച്ചാണ് കൺവെൻഷൻ സംഘടിപ്പിച്ചത്.

യുഡിഎഫിന്റെ കാഞ്ചിയാർ പഞ്ചായത്തിലെ ത്രിതല പഞ്ചായത്ത് തിരഞ്ഞെടുപ്പ് പ്രചരണ പ്രവർത്തനങ്ങളുടെ ഭാഗമായാണ് കാഞ്ചിയാർ പഞ്ചായത്ത് തല പ്രവർത്തക കൺവെൻഷൻ സംഘടിപ്പിച്ചത്. കൺവെൻഷൻ മുന്നോടിയായി നേതാക്കളുടെയും സ്ഥാനാർത്ഥികളുടെയും പ്രവർത്തകരുടെയും അകമ്പടിയോടുകൂടിയുള്ള പ്രകടനം നടന്നു. പള്ളിക്കവല എസ്എൻഡിപി ജംഗ്ഷനിൽ നിന്നും ആരംഭിച്ച പ്രകടനം ടൗൺചുറ്റി സാംസ്കാരിക നിലയത്തിൽ സമാപിച്ചു.

ഡിസിസി വൈസ് പ്രസിഡണ്ട് ജോർജ് ജോസഫ് പടവൻ, യുഡിഎഫ് ജില്ലാ കൺവീനർ പ്രൊഫസർ എം ജെ ജേക്കബ്, തോമസ് മൈക്കിൾ,ഇ കെ വാസു, കെപിസിസി സെക്രട്ടറി തോമസ് രാജൻ, അനീഷ് മണ്ണൂർ, ആൽബിൻ മണ്ണഞ്ചേരി തുടങ്ങിയ യുഡിഎഫ് നേതാക്കൾ സംസാരിച്ചു.

കൺവെൻഷനിൽ യുഡിഎഫിന്റെ ജില്ലാ , ബ്ലോക്ക് പഞ്ചായത്ത് സ്ഥാനാർത്ഥികൾ, കാഞ്ചിയാർ ഗ്രാമപഞ്ചായത്തിലെ വിവിധ വാർഡുകളിൽ യുഡിഎഫ് പാനലിൽ മത്സരിക്കുന്ന സ്ഥാനാർത്ഥികൾ എന്നിവർ പങ്കെടുത്തു.