വിശുദ്ധ ഫ്രാൻസീസ് അസ്സീസിയുടെ തിരുനാൾ ആഘോഷവും ബൈമ്പിൾ കൺവെൻഷനും കട്ടപ്പന പോർസ്യൂങ്കുല ആശ്രമ ദൈവാലത്തിന്റെ ഗോൾഡൻ ജൂബിലി ആഘോഷവും, വി. ഫ്രാൻസിസ് അസ്സിസിയുടെ സൂര്യകീർത്തനം രചനയുടെ 800- വാർഷികവും, 2025 സെപ്തംബർ 28, 29, 30 ഒക്ടോബർ ഒന്ന് തീയതികളിൽ വൈകുന്നേരം 4 pm മുതൽ കട്ടപ്പന പോർസ്യൂങ്കല ആശ്രമ ദൈവാലത്തിൽ വച്ചു നടത്തപ്പെടുകയാണ്.

തിരുനാൾ ആഘോഷത്തിന്റെ ഭാഗമായി സുപ്രസിദ്ധ വചന പ്രഘോഷകൻ വയനാട്, വടുവൻചാൽ, അനുഗ്രഹ ധ്യാന കേന്ദ്രം ഡയറക്ടർ, റവ. ഫാ. മാത്യു വയലാമണ്ണിൽ നയിക്കുന്ന ബൈബിൾ കൺവെൻഷൻ സെപ്തംബർ 28,29,30 തീയതികളിൽ നടക്കും.എല്ലാ ദിവസവും വൈകുന്നേരം നാലു മുതൽ രാത്രി 9 വരെയാണ് കൺവെൻഷൻ. 

എല്ലാ ദിവസവും 4.30 ന് വിശുദ്ധ കുർബാനയും തുടർന്ന് മാത്യു വയലാമണ്ണിൽ നയിക്കുന്ന ബൈബിൾ കൺവെൻഷനും ദിവ്യ കാരുണ്യ ആരാധനയും നടക്കും. സഹകാർമികരയായി അസ്സിസി സെന്റ് ജോസഫ് പ്രൊവിൻഷ്യൽ, റവ. ആന്റണി,ഭരണങ്ങാനം അസ്സിസി ധ്യാന കേന്ദ്രത്തിന്റെ ഡയറക്ടർ, റവ. ഫാ. തോമസ് കാഞ്ഞിരക്കോണം, ആശ്രമത്തിന്റെ മുൻകാല സുപ്പീരിയർമാർ തുടങ്ങിയവർ പങ്കെടുക്കും.

പോർസുങ്ങല അസ്സിസി ആശ്രമം കട്ടപ്പനയിൽ സ്ഥാപിതമായിട്ട്  50 വർഷം പൂർത്തിയാക്കുകയാണ്. വാർത്താസമ്മേളനത്തിൽ സുപ്പീരിയർ, റവ. ഫാ. സേവ്യർ കൊച്ചുറുമ്പിൽ കൺവീനർ ജോസഫ് മണിക്കൊമ്പിൽ, തിരുനാൾ കമ്മിറ്റിയംഗങ്ങളായ ജോസ് പൂനാട്ടു, ജോസ് മാക്കിയിൽ എന്നിവരും പങ്കെടുത്തു.