.jpeg)
വാഴവര വാകപ്പടിയിൽ ഭാര്യയെ കുത്തിപ്പരിക്കേല്‍പ്പിച്ച ഭര്‍ത്താവിനെ കട്ടപ്പന പോലീസ് അറസ്റ്റ് ചെയ്തു
വാഴവര വാകപ്പടിയില്‍ ഭാര്യയെ കുത്തിപ്പരിക്കേല്‍പ്പിച്ച ഭര്‍ത്താവിനെ കട്ടപ്പന പൊലീസ് അറസ്റ്റു ചെയ്തു. വാകപ്പടി കുളത്തപ്പാറ സുനില്‍കുമാര്‍ (46)ലാണ് പിടിയിലായത്. ചൊവ്വാഴ്ച രാത്രി 9 മണിയോടെയാണ് സംഭവം. കുടുംബവഴക്കിനെ തുടര്‍ന്ന് യുവതിയെ ഇയാള്‍ കുത്തി വീഴ്ത്തുകയായിരുന്നു. ഗുരുതരമായി പരിക്കേറ്റ യുവതിയെ നാട്ടുകാരാണ് കട്ടപ്പന താലൂക്ക് ആശുപത്രിയില്‍ എത്തിച്ചത്.
ഇവിടെ നിന്ന് കട്ടപ്പന സെന്റ് ജോൺസ് ആശുപത്രിയിലേക്ക് മാറ്റി. ആഴത്തിൽ മുറിവേറ്റ് യുവതിയുടെ നില ഗുരുതരമായതിനാൽ കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി. സംഭവിത്തിനുശേഷം ഒളിവിൽപോയ സുനിലിനെ കട്ടപ്പന എസ്എച്ച്‌ഒ ടി സി മുരുകനും എസ്ഐ എബി ജോർജും ഉൾപ്പെടുന്ന സംഘം വീടിന്റെ പരിസരത്തുനിന്ന് അറസ്റ്റു ചെയ്യുകയായിരുന്നു.
