ഇടുക്കി രൂപതയുടെ കീഴിൽ ഉള്ള സാമൂഹ്യ ക്ഷേമ വിഭാഗമായ ഹൈറേഞ്ച് ഡെവലപ്മെന്റ് സൊസൈറ്റിയുടെ നേതൃത്വത്തിലുള്ള ഗിരിജ്യോതി സ്വയം സഹായ സംഘങ്ങളുടെ വാർഷികാഘോഷങ്ങൾ ഫെബ്രുവരി 15ന്
ശനിയാഴ്ച രാവിലെ 9 -30ന് മുരിക്കാശ്ശേരി സെൻ മേരീസ് പള്ളി അങ്കണത്തിൽ നിന്നും വിളംബര റാലിയോടെ ആരംഭിക്കുന്ന വാർഷികാഘോഷ പരിപാടികളിൽ കാലാവസ്ഥ വ്യതിയാനവുമായി ബന്ധപ്പെട്ടുള്ള പ്രത്യേക സെമിനാറും സംഘടിപ്പിക്കുമെന്നും ഫാ. ജോസഫ് കൊച്ചു കുന്നേൽ അറിയിച്ചു.പാവനാത്മ കോളേജ് ഓഡിറ്റോറിയത്തിൽ ചേരുന്ന സമ്മേളനം ഇടുക്കി ജില്ലാ കളക്ടർ വി വിഘ്നേശ്വരി ഉദ്ഘാടനം ചെയ്യും.
.jpg)
ഇടുക്കി രൂപത മെത്രാൻ മാർ ജോൺ നെല്ലിക്കുന്നേൽ അദ്ധ്യക്ഷത വഹിക്കുമ്പോൾ വിവിധ പദ്ധതികളുടെ ഉത്ഘാടനം ഫാ. ജോസ് കരിവേലിക്കൽ,നബാർഡ് ജില്ലാ മാനേജർ അരുൺ എം എസ്, പിന്നോക്ക വിഭാഗ വികസന കോർപ്പറേഷൻ ജില്ലാ മാനേജർ റിയാസ് എ എന്നിവർ നിർവഹിക്കുമെന്നും എച്ച് .ഡി .എസ ഭാരവാഹികൾ ചെറുതോണിയിൽ വിളിച്ചു ചേർത്ത വാർത്താസമ്മേളനത്തിൽ അറിയിച്ചു. മറ്റ് ഭാരവാഹികളായ റെജി ശൗര്യാംകുഴി,സിബി തോമസ്, ബിജോ മാത്യു, കുഞ്ഞമ്മ തോമസ് എന്നിവരും വാർത്താ സമ്മേളനത്തിൽ പങ്കെടുത്തു.
