ഇന്നലെ രാത്രിയിൽ പെയ്ത ശക്തമായ മഴയിലും കാറ്റിലും മരം കടപുഴകി വീണതിനെ തുടർന്ന് തകരാറിലായ വണ്ടിപ്പെരിയാർ ടൗണിലെ വൈദ്യുതി വിതരണം പുനഃസ്ഥാപിച്ചു
ഇന്നലെ രാത്രിയിൽ പെയ്ത ശക്തമായ മഴയിലും കാറ്റിലും മരം കടപുഴകി വീണതിനെ തുടർന്ന് തകരാറിലായ വണ്ടിപ്പെരിയാർ ടൗണിലെ വൈദ്യുതി വിതരണം പുനഃസ്ഥാപിച്ചു. രാത്രിയിൽ ഉണ്ടായ മഴയ്ക്കൊപ്പം വീശിയ ശക്തമായ കാറ്റിൽ മരം കടപുഴകി വീണതോടെയാണ് വണ്ടിപ്പെരിയാർ ടൗണിലെ വൈദ്യുതി ബന്ധം പൂർണ്ണമായും നിലച്ചത്. വണ്ടിപ്പെരിയാർ മിനി സ്റ്റേഡിയത്തിന് പുറകു വശത്ത് നിന്നിരുന്ന കാറ്റാടി മരം കടപുഴകി 11 K V ലൈനിലേക്ക് വീഴുകയായിരുന്നു. രാത്രി തന്നെ KSEB അധികൃതരും എസ്റ്റേറ്റ് അധികൃതരും സ്ഥലത്തെത്തി മരം മുറിച്ച് നീക്കി വൈദ്യുതി ബന്ധം പുനസ്ഥാപിക്കുവാനുള്ള ശ്രമം നടത്തിയിരുന്നെങ്കിലും സാധിച്ചില്ല. തുടർന്ന് ഇന്ന് രാവിലെ തന്നെ KSEB അധികൃതർ സ്ഥലത്തെത്തി എസ്റ്റേറ്റ് തൊഴിലാളികളുടെ സഹായത്തോടെ 11 K V ലൈനിലേക്ക് കട പുഴകി വീണ മരം മുറിച്ച് നീക്കി ഉച്ചയോടു കൂടി വൈദ്യുതി ബന്ധം പുനസ്ഥാപിക്കുകയായിരുന്നു.
.jpeg)
