സംസ്ഥാന സീനിയർ പുരുഷ,വനിതാ ഗുസ്തി മത്സരങ്ങൾക്ക് തുടക്കമായി
71-മത് പുരുഷ, 26-മത് വനിതാ ഗുസ്തി മത്സരങ്ങൾക്കാണ് ഇടുക്കി ജില്ല വേദിയാകുന്നത്.കേരളത്തിലെ വിവിധ ജില്ലകളിൽ നിന്നുള്ള 800 പരം താരങ്ങളാണ് വിവിധ കാറ്റഗറിയിൽ മാറ്റുരക്കുന്നത് 'ഇന്ന് ആരംഭിച്ച മത്സരങ്ങൾ ഞായറാഴ്ച സമാപിക്കും.ചെറുതോണി ടൗൺഹാളിലാണ് ഗോദയൊരുക്കിയിരിക്കുന്നത്. ഉദ്ഘാടന സമ്മേളനത്തിൽ ഇടുക്കി ജില്ലാ റസലിംഗ് അസോസിയേഷൻ പ്രസിഡൻ്റ് ജെയ്ൻ അഗസ്റ്റിൻ അധ്യക്ഷനായിരുന്നു.സംസ്ഥാന ജലവിഭവവകുപ്പ് മന്ത്രി റോഷി അഗസ്റ്റിൻ ഉദ്ഘാടനം ചെയ്തു.
ജില്ല പഞ്ചായത്ത് പ്രസിഡൻ്റ് കെ.ടി ബിനു മുഖ്യപ്രഭാഷണം നടത്തി.റസലിംഗ് ഫെഡറേഷൻ ഓഫ് ഇന്ത്യ മുൻ സെക്രട്ടറി ജനറൽ വി.എൻ. പ്രസൂദ്,ബി. രാജശേഖരൻ നായർ,ടൈറ്റസ് ലൂക്കോസ്,ഷിജോ തടത്തിൽ, സാജൻ കുന്നേൽ, കെ.എ ജോൺ,സുരേഷ് മീനത്തേരിൽ, ബാബു ജോസഫ്, എന്നിവർ ആശംസകൾ അർപ്പിച്ചു.സിജി ചാക്കോ സ്വാഗതവും,പി.ജെ. ജോസഫ് നന്ദിയും രേഖപ്പെടുത്തി.
.jpeg)
