ജില്ലയിലെ ഏലമല പ്രദേശത്ത് പുതിയ പട്ടയം അനുവധിക്കുന്നത് തടഞ്ഞു കൊണ്ട് സുപ്രിം കോടതി ഉത്തരവ് ഇറങ്ങിയതിന് കാരണമായത് സർക്കാരിന്റെ കർഷക ദ്രോഹ നിലപാടെന്നും പട്ടയ വിതരണം തടഞ്ഞ സുപ്രിം കോടതി വിധിക്ക് കാരണമായ സർക്കാർ നിലപാടിനെതിരെ ജില്ലയിൽ ശക്തമായ പ്രതിഷേധം സംഘടിപ്പിക്കുമെന്നും യൂത്ത് കോൺഗ്രസ്സ് ജില്ലാ കമ്മറ്റി.

ഇടതുപക്ഷ സർക്കാരിന്റെ കർഷക ദ്രോഹ നിലപാടിനെതിരെ സി.എച്ച്. ആർ പരിധിയിൽ വരുന്ന എല്ലാ നിയോജക മണ്ഡലങ്ങളിലും സമരത്തിന്റെ ആദ്യഘട്ടമായി ഏകദിന ഉപവാസവും രണ്ടാം ഘട്ടം ജില്ലാ യൂത്ത് കോൺഗ്രസ് കമ്മറ്റിയുടെ നേതൃത്വത്തിൽ 24 മണിക്കൂർ നിരാഹാര സമരവും സംഘടിപ്പിക്കും.സി.എച്ച്. ആറിൽ പുതിയ പട്ടയം വിലക്കിയതോടു കൂടി പട്ടയം എന്ന ഇടുക്കികാരുടെ സ്വപ്നത്തിന് തിരിച്ചടിയായിരിക്കുകയാണ്.

സംസ്ഥാന സർക്കാരിന്റെ പിടിപ്പ് കേട് കൊണ്ടുണ്ടായ കോടതി വിധി ജില്ലയിലെ ഒരു ലക്ഷം ആളുകളെ നേരിട്ട് ബാധിക്കും.ഈ വിധിയിലൂടെ കൈവശ ഭൂമിക്ക് പട്ടയം ലഭിക്കുന്നതിനായി അപേക്ഷ സമർപ്പിച്ചിരുന്ന 25000 പേർ ആശങ്കയിലായിരിക്കുന്നു.ജില്ലയിൽ നിന്നുള്ള മന്ത്രി റോഷി ആഗസ്റ്റിനും എൽ. ഡി. എഫ് നേതൃത്വവും ഈ വിഷയത്തിൽ മൗനം വെടിയുവാൻ തയ്യറാകണമെന്നും യൂത്ത് കോൺഗ്രസ്‌ ജില്ലാ പ്രസിഡന്റ് ഫ്രാൻസിസ് അറയ്ക്കപ്പറമ്പിൽ ആവിശ്യപ്പെട്ടു.