പട്ടിജാതി-പട്ടികവർഗ്ഗ സംവരണത്തിൽ മേൽത്തട്ട് പരിധി ഏർപ്പെടുത്തിയും, മേൽത്തട്ട് പരിധി നിശ്ചയിക്കുവാനുമുള്ള അധികാരം സംസ്ഥാനങ്ങൾക്ക് നൽകിയുമുള്ള 2024 ആഗസ്റ്റ് 1ലെ സുപ്രീംകോടതി വിധി രാജ്യത്തെ പട്ടികജാതി -പട്ടികവർഗ്ഗ വിഭാഗങ്ങളുടെ ഇടയിൽ വലിയ ആശങ്കയാണ് ഉണ്ടായിരിക്കുന്നത്. ഈ വിധിയെ മറികടക്കാൻ കേന്ദ്രസർക്കാരും, ഈ വിധി നടപ്പാക്കാതിരിക്കാൻ സംസ്ഥാന സർക്കാരും തയ്യാറാകണമെന്നും ആവശ്യപ്പെട്ടുകൊണ്ട് സമാന ചിന്താഗതിക്കാരായ പട്ടികജാതി -പട്ടികവർഗ്ഗ സംഘടനുകളുമായി ചേർന്ന് കെ.പി.എം.എസ് പ്രക്ഷോഭത്തിനൊരുങ്ങുകയാണ്.

സംഘടനയെ സമര സജ്ജമാക്കുവാനും, നയപരിപാടികൾ വിശദീകരിക്കുന്നതിനുമായി സംസ്ഥാനമൊട്ടാകെ ജില്ലാതല നേത്യസംഗമങ്ങൾ ചേരുന്നതിൻറെ ഭാഗമായി ഇടുക്കി ജില്ലാ നേതൃസംഗമം ഒക്ടോബർ 6 ന് രാവിലെ 10 മണിക്ക് കട്ടപ്പന മുനിസിപ്പൽ കോൺഫറൻസ് ഹാളിൽ ചേരുന്നത്.സംസ്ഥാന അസി. സെക്രട്ടറി പി.വി.ബാബു അധ്യക്ഷത വഹിക്കും. സെക്രട്ടറിയേറ്റ് അംഗം. സാബു കൃഷ്ണ‌ൻ, സംസ്ഥാനകമ്മിറ്റി അംഗങ്ങൾ കെ.കെ.രാജൻ, സുനീഷ് കുഴിമറ്റം, ശിവൻകോഴിക്കമാലി, കെ.ടി.മോഹനൻ,എന്നിവർസന്നിഹിതരായിരിക്കും.

ജില്ലയിലെ 5   താലൂക്ക് യൂണിയനുകളിലെ 176 നിന്നുമായി 357 പ്രതിനിധികൾ പങ്കെടുക്കും.വാർത്താസമ്മേളനത്തിൽ അസി. സെക്രട്ടറി പി.വി.ബാബു,സെക്രട്ടറിയേറ്റ് അംഗംbസാബു കൃഷ്‌ണൻ, സംസ്ഥാന കമ്മിറ്റി അംഗങ്ങളായ കെ.കെ.രാജൻ സുനീഷ് കുഴിമാറ്റം ശിവൻ കോഴിക്കമാലി തുടങ്ങിയവർ പങ്കെടുത്തു.