യൂത്ത് കോൺഗ്രസ് ഇടുക്കി ജില്ലാ കമ്മറ്റിയുടെ നേതൃത്വത്തിൽ വയനാട്ടിലെ ദുരിത ബാധിതർക്കുള്ള ആവിശ്യസാധനങ്ങൾ അടങ്ങിയ വാഹനം കട്ടപ്പന രാജീവ് ഭവനിൽ നിന്ന് പുറപ്പെട്ടു. 3000 കിലോ അരി ഉൾപ്പെടെ 5 ടൺ ഭക്ഷ്യവസ്തുക്കളും മുതിർന്നവർക്കും കുട്ടികൾക്കുമായുള്ള വസ്ത്രങ്ങൾ, ചെരുപ്പുകൾ,ശുദ്ധജലം, പാത്രങ്ങൾ, വീട്ടുപകരണങ്ങൾ എന്നിവയാണ് വയനാട് ദുരിത മേഖലയിലേക്ക് യൂത്ത് കോൺഗ്രസ്‌ ജില്ലാ കമ്മറ്റി എത്തിച്ചുനൽകുന്നത്.

 ജില്ലയിലെ വിവിധ മണ്ഡലങ്ങളിൽ നിന്ന് യൂത്ത് കോൺഗ്രസ് പ്രവർത്തകർ ശേഖരിച്ച് ആവശ്യസാധനങ്ങൾ കട്ടപ്പനയിലെ കളക്ഷൻ സെന്ററിൽ സമാഹരിച്ചു.ഇവിടെ നിന്ന് പുറപ്പെട്ട വാഹനത്തിന്റെ ഫ്ലാഗ് ഓഫ്‌ എ.ഐ.സി.സി അംഗം ഇ.എം. ആഗസ്‌തി നിർവ്വഹിച്ചു.യൂത്ത് കോൺഗ്രസ്‌ ജില്ലാ പ്രസിഡന്റ്‌ ഫ്രാൻസിസ് ദേവസ്യാ അദ്ധ്യക്ഷത വഹിച്ചു.

യു. ഡി. എഫ് ജില്ലാ ചെയർമാൻ ജോയി വെട്ടിക്കുഴി മുഖ്യപ്രഭാഷണം നടത്തി. യൂത്ത് കോൺഗ്രസ്സ് സംസ്ഥാന ഭാരവാഹികളായ ജോബിൻ മാത്യു, മോബിൻ മാത്യു, കോൺഗ്രസ്സ് നേതാക്കളായ തോമസ് മൈക്കിൾ ,സിജു ചക്കുംമൂട്ടിൽ, ബീന ടോമി, ജോയി ആനിത്തോട്ടം, യൂത്ത് കോൺഗ്രസ്സ് നേതാക്കളായ ശാരി ബിനു ശങ്കർ, ആൽബിൻ മണ്ണൻചേരിൽ, ആനന്ദ് തോമസ്,അബി കൂരാപ്പള്ളിൽ, അലൻ സി മനോജ്‌, അഭിലാഷ് വലുമേൽ, അരുൺ കുമാർ ടി.കെ എന്നിവർ സംസാരിച്ചു.