പൂർവ്വ വിദ്യാർത്ഥി സംഘടനയായ ചങ്ങാതിക്കൂട്ടത്തിന്റെ ആഭിമുഖ്യത്തിൽ 2023 -24 എസ് എസ് എൽ സി പരീക്ഷയിൽ മികച്ച വിജയം കൈവരിച്ച വിദ്യാർഥികളെയും അവരുടെ അധ്യാപകരെയും അനുമോദിച്ചു
കട്ടപ്പന സർക്കാർ ട്രൈബൽ ഹയർ സെക്കൻഡറി സ്കൂളിലെ പൂർവ്വ വിദ്യാർത്ഥി സംഘടനയായ ചങ്ങാതിക്കൂട്ടത്തിന്റെ ആഭിമുഖ്യത്തിലാണ് അനുമോദനയോഗം സംഘടിപ്പിച്ചത്. 2023 -24 എസ്എസ്എൽസി പരീക്ഷയിൽ മികച്ച വിജയം കൈവരിച്ച വിദ്യാർഥികളെയും അവരെ പരീക്ഷയ്ക്ക് പ്രാപ്തരാക്കിയ അധ്യാപകരെയും യോഗത്തിൽ അനുമോദിച്ചു.
സ്കൂൾ അങ്കണത്തിൽ സംഘടിപ്പിച്ച പരിപാടി മുൻ അധ്യാപകനും എഴുത്തുകാരനുമായ വൈ സി സ്റ്റീഫൻ ഉദ്ഘാടനം ചെയ്തു.കാഞ്ചിയാർ ഗ്രാമപഞ്ചായത്ത് പ്രസിഡന്റ് സുരേഷ് കുഴിക്കാട്ടിൽ വിദ്യാർത്ഥികളെയും അധ്യാപകരെയും മൊമെന്റോ നൽകി അനുമോദിച്ചു.മുൻ അധ്യാപകരുടെ നേതൃത്വത്തിൽ വിദ്യാർത്ഥികൾക്ക് ക്യാഷ് അവാർഡും നൽകി.
.jpeg)
അനുമോദന ചടങ്ങിൽ സ്കൂൾ ഹെഡ്മിസ്ട്രസ് ശാരദാദേവി , മുൻ ഹെഡ്മിസ്ട്രസ് രാജി ടീച്ചർ,നഗരസഭ കൗൺസിലർ ഷാജി കൂത്തോടി, ചങ്ങാതിക്കൂട്ടം അംഗങ്ങളായ കെ വി ഹരിലാൽ , വിനോദ് മഞ്ചേരിൽ , പി പി ഗണേഷ് , സുമ ഗണേഷ് , മറ്റ് അംഗങ്ങൾ അധ്യാപകർ തുടങ്ങിയവർ പങ്കെടുത്തു.
