.jpeg)
രാജകുമാരി സർവീസ് സഹകരണ ബാങ്കിന്റെ നേതൃത്വത്തിൽ വിവിധ മേഖലകളിൽ ഉന്നത വിജയം നേടിയ വിദ്യാർത്ഥികളെ അനുമോദിച്ചു
2023-24 അധ്യയന വർഷത്തിൽ എസ് എസ് എൽ സി,+2, സി ബി എസ് ഇ, ബിരുദ പരീക്ഷകളിൽ ഉന്നത വിജയം നേടിയ വിദ്യാർത്ഥികളെ ആദരിച്ചു. രാജകുമാരി സർവീസ് സഹകരണ ബാങ്കിന്റെ നേതൃത്വത്തിലാണ് വിദ്യാർത്ഥികളെ ആദരിച്ചത്. ബാങ്കിലെ സഹകാരികളുടെ മക്കളിൽ ഉന്നത വിജയം നേടിയവരെയാണ് ഭരണസമിതിയുടെ നേതൃത്വത്തിൽ ആദരിച്ചത്. ബാങ്ക് ഓഡിറ്റോറിയത്തിൽ നടന്ന ചടങ്ങിൽ ഇടുക്കി എം പി അഡ്വ.ഡീൻ കുര്യാക്കോസ് ഉന്നത വിജയം നേടിയ വിദ്യാർത്ഥികളെ ആദരിച്ചു.
.jpeg)
ബിരുദ പരീക്ഷയിൽ റാങ്ക് നേടിയ ഒരു വിദ്യാർത്ഥിനിയെയും +2 പരീക്ഷയിൽ ഉന്നത വിജയം നേടിയ പത്ത് വിദ്യാർത്ഥികളെയും എസ് എസ് എൽ സി പരീക്ഷയിൽ ഉന്നത വിജയം നേടിയ ഏഴ് വിദ്യാർത്ഥികളെയുമാണ് ആദരിച്ചത്.ബാങ്ക് പ്രസിഡന്റ് ബോസ് പി മാത്യുവിന്റെ നേതൃത്വത്തിൽ നടന്ന ചടങ്ങിൽ ബാങ്ക് വൈസ് പ്രസിഡന്റ് ജോർജ് അരീപ്ലാക്കൽ,ഡയറക്ടർ ബോർഡ് അംഗങ്ങൾ ബാങ്ക് സെക്രട്ടറി അമ്പിളി ജോർജ് ,ബാങ്ക് ജീവനക്കാർ രക്ഷകർത്താക്കൾ തുടങ്ങിയവർ പങ്കെടുത്തു.
