തങ്കമണി സിനിമയുടെ വിജയാഘോഷം കട്ടപ്പനയിൽ സംഘടിപ്പിച്ചു
തങ്കമണി സിനിമയുടെ വിജയാഘോഷം കട്ടപ്പനയിൽ സംഘടിപ്പിച്ചു. ദിലീപ് ഫാൻസ് അസോസിയേഷൻ്റെ നേതൃത്വത്തിലാണ് ആഘോഷ പരിപാടികൾ സംഘടിപ്പിച്ചത്. കേക്ക് മുറിച്ചാണ് സിനിമയുടെ വിജയം ആഘോഷിച്ചത്.റിലീസിന് മുന്നേ വിവാദമായ തങ്കമണി സിനിമ വമ്പൻ ഹിറ്റായി മാറുകയാണ്. ഹൈറേഞ്ചിൽ ചിത്രീകരിച്ച സിനിമ ആസ്വാദകർ ഏറ്റെടുത്ത് കഴിഞ്ഞു. പ്രധാന നടന്മാർക്കൊപ്പം സിനിമയിൽ നിരവധി പ്രദേശവാസികൾക്കും അഭിനയിക്കാൻ അവസരം ലഭിച്ചു. റിലീസ് ദിവസം മുതൽ സിനിമ ഹൗസ് ഫുള്ളായിട്ടാണ് ഓടുന്നത്. സിനിമയുടെ വിജയാഘോഷം കട്ടപ്പന ഐശ്വര്യ തീയേറ്ററിലാണ് ഫാൻസ് പ്രവർത്തകരും തീയേറ്റർ പ്രവർത്തകരും ചേർന്ന് സംഘടിപ്പിച്ചത്. കേക്ക് മുറിച്ചാണ് ആഹ്ലാദം പങ്ക് വെച്ചത്.ദിലീപ് ഫാൻസ് അസോസിയേഷൻ കട്ടപ്പന ഏരിയ കമ്മറ്റിയുടെ നേതൃത്വത്തിൽ സംഘടിപ്പിച്ച ആഹ്ലാദപരിപാടിയിൽ സിനിമാതാരം അനീഷ് അനന്ത് മുഖ്യാധിഥിയായിരുന്നു. ഫാൻസ് ഏരിയ പ്രസിഡൻ്റ് അനൂപ്, സെക്രട്ടറി നിജോ, ട്രഷറർ ബിറ്റോ, ബിൻസൺ, ബിജിത്ത്, ജെറിൻ, അഭിജിത്ത്, തിയേറ്റർ ഉടമകളായ തങ്കച്ചൻ, റോബിൻ എന്നിവർ പങ്കെടുത്തു.
.jpeg)
