ജി-ടെക് ഇടുക്കി ജില്ലാ കലോത്സവം 'ജി സൂം ' സീസണ്‍ 10 കട്ടപ്പന സി.എസ്.ഐ ഗാര്‍ഡനില്‍ നടന്നു
ജി-ടെക് ഇടുക്കി ജില്ലാ കലോത്സവം 'ജി സൂം ' സീസണ്‍ 10 കട്ടപ്പന സി.എസ്.ഐ ഗാര്‍ഡനില്‍ നടന്നു.സിനിമാ താരം ജി കെ പന്നാംകുഴി കലാമേള ഉദ്ഘാടനം ചെയ്തു.കമ്പ്യൂട്ടർ വിദ്യാഭ്യാസ ശൃംഖലയായ ജി-ടെക് കമ്പ്യൂട്ടർ എഡ്യൂക്കേഷൻ കുട്ടികൾക്കായി നടത്തുന്ന കലാമേളയാണ് ജി-സൂം. സ്‌കൂൾ കോളേജ് വിദ്യാഭ്യാസത്തിനു ശേഷം ഉപരിപഠനത്തിനായി വരുന്ന കുട്ടികൾക്ക് തങ്ങളുടെ കലാവാസനകൾ അവതരിപ്പിക്കുന്നതിനായിട്ടാണ് കലോത്സവം ക്രമീകരിച്ചത്.സോളോ സോങ്, സോളോ ഡാന്‍സ്, ഗ്രൂപ്പ് ഡാന്‍സ് എന്നീ ഇനങ്ങളിലാണ് മത്സരങ്ങള്‍ നടന്നത് . ജി ടെക് ഇടുക്കി ഏരിയ ഡയറക്ടർ നോബി സുദർശൻ അധ്യക്ഷത വഹിച്ച യോഗത്തിൽ കട്ടപ്പന ജി - ടെക് കട്ടപ്പന സെൻറർ ഡയറക്ടർ ഫാ. ജയിംസ് കുര്യൻ ,സാംസ്കാരിക വകുപ്പ് ഇടുക്കി ജില്ലാ കോഡിനേറ്റർ എസ് സൂര്യലാൽ ,ജോർജ് എംകെ ,ലിമ്നാ നോബി തുടങ്ങിയവർ പങ്കെടുത്തു. ജില്ലാ തല കലോത്സവമാണ് ഇന്ന് നടന്നത്. സംസ്ഥാന തല കലോത്സവം പിന്നീട് കണ്ണൂരില്‍ നടക്കും.
.jpeg)
