ചിന്നക്കാനാലിൽ ചക്കകൊമ്പൻ എന്ന ഒറ്റയാൻ്റെ ആക്രമണം; ബി എൽ റാം സ്വദേശിക്ക് പരുക്ക്
ചിന്നക്കനാൽ ബി എൽ റാം സ്വദേശി സൗന്ദരാജന് കാട്ടാന ആക്രമണത്തിൽ പരുക്കേറ്റു. കൃഷിയിടത്തിൽ ജോലി ചെയ്യുന്നതിനിടയിലാണ് കാട്ടാന ആക്രമണം ഉണ്ടായത്. ഒപ്പം ഉണ്ടായിരുന്ന കൊച്ചുമകൻ ഓടി രക്ഷപെട്ടതിനെ തുടർന്നാണ് ആക്രണവിവരം പ്രദേശവാസികൾ അറിയുന്നത്. ചക്കകൊമ്പൻ ആണ് ആക്രമിച്ചത്. തുടർന്ന് കൃഷിയിടത്തിൽ നിലയുറപ്പിച്ച കാട്ടാനയെ വനം വകുപ്പ് ഉദ്യോഗസ്ഥർ എത്തി തുരത്തിയതിനെ തുടർന്നാണ് സൗന്ദരാജിനെ രക്ഷിക്കാനായത്. ഇരുകൈകളും ഒടിയുകയും നെഞ്ചിനും ഗുരുതരമായി പരിക്കേൽക്കുകയും ചെയ്ത ഇദ്ദേഹത്തെ രാജകുമാരിയിലെ സ്വകാര്യ ആശുപത്രിയിൽ എത്തിച്ചു പ്രാഥമിക ചികിത്സ നൽകിയ ശേഷം തമിഴ്നാട് തേനി മെഡിക്കൽ കോളേജിലേക്ക് കൊണ്ടുപോയി.
.jpeg)
