.jpg)
ഈസ്റ്റർ ദിനത്തിൽ വോട്ട് റോഷി തേടി ഉൾനാടൻ മേഖലകളിൽ
ചെറുതോണി: ഈസ്റ്റർ ദിനത്തിൽ ഇടുക്കിയിലെ എൽഡിഎഫ് സ്ഥാനാർഥി റോഷി അഗസ്റ്റിൻ വോട്ട് അഭ്യർഥിച്ചത് കഞ്ഞിക്കുഴി, അറക്കുളം പഞ്ചായത്തിലെ ഉൾനാടൻ പ്രദേശങ്ങളിൽ. രാവിലെ വാഴത്തോപ്പ് സെന്റ് ജോർജ് കത്തീഡ്രലിൽ കുർബാന കൂടിയതിനു ശേഷമാണ് റോഷി പ്രചാരണത്തിന് ഇറങ്ങിയത്.
കഞ്ഞിക്കുഴി പഞ്ചായത്തിലെ മക്കുപള്ളിയിലും അറക്കുളം പഞ്ചായത്തിലെ മേമുട്ടം, ഉറുമ്പള്ള് മേഖലകളിലും പുള്ളിക്കാനത്തും മൂലമറ്റത്തും കാഞ്ഞാറിലും എത്തി വോട്ടർമാരെ നേരിൽ കണ്ടു. മുൻപ് ജീപ്പുകളിൽ പോലും എത്തിച്ചേരാൻ ഏറെ ദുഷ്കരമായ ഈ സ്ഥലങ്ങളിൽ കാൽനടയായും മറ്റും എത്തിയാണ് മുൻ തിരഞ്ഞെടുപ്പുകളിൽ വോട്ട് അഭ്യർത്ഥിച്ചിരുന്നത്. ഇക്കുറി മികച്ച റോഡുകൾ നിർമിച്ചതിനാൽ കാറിൽ എത്തിയാണ് സ്ഥാനാർത്ഥി വോട്ട് അഭ്യർത്ഥിച്ചത്.
.jpeg)
ഈ പ്രദേശത്തെ ജനങ്ങളുടെ പ്രധാന ആവശ്യമായിരുന്ന റോഡ് സാക്ഷാത്കരിച്ച റോഷിയെ സ്വീകരിക്കാൻ ജനങ്ങൾ ഒന്നടങ്കം എത്തിച്ചേർന്നത് കൗതുകമായി. ഈസ്റ്റർ ആശംസകൾ നേർന്നും ഈ പ്രദേശങ്ങളിൽ നടപ്പാക്കിയ വികസന പ്രവർത്തനങ്ങൾ വിശദീകരിച്ചുമാണ് റോഷി വോട്ട് അഭ്യർത്ഥിച്ചത്.
