.jpg)
ദുരന്തത്തിന് പിന്നാലെ ദുരന്തം; പിരപ്പൻകോട് അപകടത്തില്പ്പെട്ട കാര് പൊലീസ് സ്റ്റേഷന് മുന്നില് കത്തിനശിച്ചു
പിരപ്പൻകോട് അപകടത്തില്പ്പെട്ട കാർ കത്തിയമർന്നു. ഇന്ന് രാവിലെ വെഞ്ഞാറമൂട് പൊലീസ് സ്റ്റേഷന് മുന്നില് വച്ചായിരുന്നു സംഭവം.ഷോർട്ട് സർക്യൂട്ടാണ് തീപിടുത്തത്തിന് കാരണമെന്നാണ് പ്രാഥമിക നിഗമനം.ഇക്കഴിഞ്ഞ വ്യാഴാഴ്ച പിരപ്പൻകോടിലൂടെ പോകുകയായിരുന്ന ലോറി നിയന്ത്രണം വിട്ട് ബൈക്കിലിടിക്കുകയും തുടർന്ന് കാറിന് മുകളിലേക്ക് മറിയുകയുമായിരുന്നു. അപകടത്തില് ബൈക്ക് യാത്രക്കാരായ ആദിത്യൻ, ജൂലി എന്നിവർ മരണപ്പെട്ടിരുന്നു. അപകടത്തില് പൂർണമായും തകർന്ന കാർ ഇന്ന് രാവിലെയാണ് പൊലീസ് സ്റ്റേഷൻ പരിസരത്തേക്ക് എത്തിച്ചത്.
.jpeg)
അപകടത്തെത്തുടർന്ന് വയറിംഗിലുണ്ടായ തകരാറോ ഷോർട്ട് സർക്യൂട്ടോ ആണ് തീപിടുത്തത്തിന് കാരണമായതെന്നാണ് വിവരം. സ്റ്റേഷന് മുന്നില് തീ പടർന്നതോടെ പൊലീസുകാരും നാട്ടുകാരും ചേർന്ന് തീ അണയ്ക്കാൻ ശ്രമിച്ചെങ്കിലും വാഹനം ഏതാണ്ട് പൂർണമായും കത്തിനശിച്ചു. പിന്നീട് ഫയർഫോഴ്സ് എത്തി തീ നിയന്ത്രണവിധേയമാക്കുകയായിരുന്നു.
