.jpg)
ഡോ. വന്ദനാദാസ് വധക്കേസ്; പ്രതി സന്ദീപിന് ഇന്ന് ശിക്ഷ വിധിക്കും
ഡോ.വന്ദനാദാസ് വധക്കേസില് പ്രതി സന്ദീപിന് ഇന്ന് ശിക്ഷ വിധിക്കും. കൊല്ലം അഡീഷണല് സെഷൻസ് കോടതി-1 ആണ് വിധി പറയുന്നത്.അപൂർവങ്ങളില് അപൂർവമായ കേസായി കണ്ട് പരമാവധി ശിക്ഷ നല്കണമെന്നാണ് പ്രോസിക്യൂഷന്റെ ആവശ്യം. നീതിക്കായി വന്ദനാദാസിന്റെ മാതാപിതാക്കള് കാത്തിരിക്കുകയാണ്. പ്രതി സന്ദീപ് കുറ്റക്കാരനാണെന്ന് കഴിഞ്ഞ ദിവസം കോടതി കണ്ടെത്തിയിരുന്നു.2023 മേയ് 10നാണ് പോലീസ് വൈദ്യപരിശോധനയ്ക്ക് എത്തിച്ച കുടവട്ടൂർ സ്വദേശിയും അധ്യാപകനുമായ സന്ദീപ് കൊട്ടാരക്കര താലൂക്ക് ആശുപത്രിയില് വച്ച് വന്ദനാദാസിനെ കൊലപ്പെടുത്തിയത്. സന്ദീപിന് മാനസിക സ്ഥിരത ഇല്ലെന്ന് സ്ഥാപിക്കാനാണ് തുടക്കം മുതല് പ്രതിഭാഗം ശ്രമിച്ചത്. എന്നാല് പ്രതിക്ക് മാനസിക പ്രശ്നം ഇല്ലെന്ന് വൈദ്യ പരിശോധനയിലൂടെ തെളിയിക്കാൻ കഴിഞ്ഞത് പ്രോസിക്യൂഷന് നേട്ടമായി.യാതൊരു പ്രകോപനവും ഇല്ലാതെ പ്രതി എന്തിനീ കൃത്യം നടത്തിയെന്ന് കണ്ടെത്താനാണ് അന്വേഷണ സംഘം ശ്രമിച്ചത്. മാനസിക പ്രശ്നം ഉണ്ടെന്ന് വരുത്തി തീർത്ത് അന്വേഷണത്തെ വഴിതിരിച്ചു വിടാൻ സന്ദീപ് നടത്തിയ നീക്കങ്ങള് പോലീസ് തുടക്കത്തിലേ തിരിച്ചറിയുകയായിരുന്നു.
.jpeg)
