.jpg)
തടി ലോറിക്ക് മുകളിലിരുന്നയാള്ക്ക് വൈദ്യുതി ലൈനില് തട്ടി ഷോക്കേറ്റു
കൊല്ലം : തടി ലോറിക്ക് മുകളിലിരുന്നയാള്ക്ക് വൈദ്യുതി ലൈനില് തട്ടി ഷോക്കേറ്റു. പുത്തൂരിലാണ് സംഭവം. ചെങ്ങന്നൂർ സ്വദേശിയായ 60 വയസുള്ള സന്തോഷിനാണ് ഷോക്കേറ്റത്.മരക്കഷണം കൊണ്ട് വൈദ്യുതകമ്പി ഉയർത്തുന്നതിനിടെയാണ് ഷോക്കേറ്റത്.11 കെവി വരെ കടന്നുപോകുന്ന റോഡാണിത്. സന്തോഷിനെ ലൈൻ ഉയർത്തി നല്കാനായി വാഹനത്തിന് മുകളില് നിർത്തിയിരിക്കുകയായിരുന്നു.മരക്കഷ്ണം ഉപയോഗിച്ച് ലൈൻ ഉയർത്തുന്നതിനിടെ വൈദ്യുത കമ്പി പൊട്ടി വീണിട്ടും ലോറി മുന്നോട്ട് പോയതിന് പിന്നാലെയാണ് അപകടമുണ്ടായത്. ഉടൻതന്നെ നാട്ടുകാർ ചേർന്ന് സന്തോഷിനെ പുത്തൂരിലെ സ്വകാര്യ ആശുപത്രിയില് പ്രവേശിപ്പിച്ചു. നില ഗുരുതരമായതിനാല് പ്രാഥമിക ശുശ്രൂഷ നല്കിയതിനുശേഷം കൊട്ടാരക്കര സ്വകാര്യ ആശുപത്രിയിലേക്ക് മാറ്റി.
.jpeg)
